ओलम्पिक सुरु हुनुअघि नै ब्राजिलको कमजोर आयोजनाको पोल खुलेको छ। रियो दि जेनेरियास्थित ओलम्पिक भिलेजमा आगजनी हुँदा अस्ट्रेलियाको टोली बाहिरिएको थियो। कङ्गारु टोलीलाई रियोका मेयरले भिलेजमा फर्किन आग्रह गरेपनि उनीहरू फर्किन मानेका थिएनन्। उनीहरू शनिवार मात्र भिलेजमा पुनः फर्किएका छन्।
कङ्गारु टोली बसेको अपार्टमेन्टको मुनी गत मंगलवार आगो लागेको थियो। स्थानीय अधिकारीले आगो निभाउन तत्कालै दमकल बोलाएका थिए। आगो किन लाग्यो, यो विषयको टुँगो नलागेका कारण अस्ट्रेलियाका ओलम्पिक पदाधिकारीले तत्कालै भिलेज फर्किन अस्विकार गरेका थिए।
