फ्रान्समा जारी युरो २०१६ अन्तर्गत आज प्रिक्वाटरफाइनलका तीन खेलहरू हुनेभएका छन्। आइतबार राति हुने पहिलो खेलमा आयोजक फ्रान्स र आयरल्याण्ड दोस्रो खेलमा जर्मनी र स्लोभाकिया तथा अन्तिम खेलमा हंगेरी र बेल्जियम एक आफसमा भिड्दैछन्।
फ्रान्स भर्सेस आयरल्याण्डः १८:४५ बजे
युरो कपको आइतबार हुने पहिलो प्रि-क्वार्टरफाइनलमा फ्रान्स र आयरल्याण्ड भिड्दैछन्। खेल बेलुका ६:४५ बजे सुरु हुनेछ।
समूहमा अपराजित रहँदै नकआउट चरणमा प्रबेश गरेको फ्रान्सले समूह ए मा रोमानिया र अल्वानियालाई पराजित गरेको थियो भने स्वीट्जरल्याण्डसँग बराबरी खेलेको थियो।
यता आयरल्याण्ड भने समूह चरणमा उत्कृष्ट तेस्रो हुने चार टोलीमध्येको एक बन्दै नकआउट चरणमा पुगेको हो। समूह इ बाट आयरल्याण्डले इटालीलाई हराएको थियो भने स्वीडेनसँग बराबरी र बेल्जियमसँग पराजित भएको थियो।
समूह ई को पहिलो खेलमा स्वीडेनसँग बराबरीमा रोकिएको आयरल्याण्ड दोस्रो खेलमा बेल्जियमसँग पराजित भएको थियो। तर समूहको अन्तिम खेलमा इटलीलाई पराजित गर्दै आयरल्याण्ड तेस्रो स्थानमा रहनेमध्ये उत्कृष्ट चारमा पर्न सफल भएको छ।
हेड टु हेड
आयरल्याण्ड र फ्रान्सबीचको अहिलेसम्म १६ पटक प्रतिस्पर्धा गरेका छन्। ७ खेल फ्रान्सले जितेको छ भने ४ खेल आयरल्याण्डले जितेको छ। ५ खेल बराबरीमा सकिएको छ।
फ्रान्सले पछिल्लो ६ खेलमा आयरल्याण्डलाई ३ पटक हराएको छ भने १ पटक फ्रान्स हारेको छ । २ खेल बराबरीमा सकिएका थिए । खेलमा फ्रान्सले १८ गोल गरेको छ भने आयरल्याण्डले १४ गोल गरेको छ।
जर्मनी भर्सेस स्लोभाकियाः २१:४५
तीन पटकको युरो विजेता जर्मनीले आइतबार राति प्रतियोगितामा पहिलो पटक डेब्यू गरेको स्लोभाकिया एक आपसमा भिड्दैछन् । समूह चरणमा अपराजित जर्मनीले अहिलेसम्म गोल खाएको छैन। युक्रेन र उत्तरी आयरल्याण्डलाई हराए पनि पोल्याण्डसँग उसले बराबरी खेलेको थियो।
यता इंगल्याण्ड, रसिया, वेल्स जस्ता टीम रहेको समूहबाट उत्कृष्ट तेस्रो हुँदै स्लोभाकिया अन्तिम १६मा आएको हो। पहिलो सहभागितामै नकआउट चरण प्रवेश गरेको स्लोभाकिया जर्मनीविरुद्ध अप्रत्यासित नजिता निकाल्ने दाउमा छ।
हेड टु हेड
जर्मनी र स्लोभाकियाले अहिलेसम्म खेलेका २८ खेलमा जर्मनी हाबी भएको छ। १७ खेलमा जित हात पारेको जर्मनीले ५ खेल बराबरी खेलेको थियो। ६ खेल गुमाएको थियो।
अहिलेसम्म स्लोभाकियाविरूद्ध ६२ गोल गरेको जर्मनीले ४० गोल खाएको छ।
हंगेरी भर्सेस बेल्जियम १२: ४५
समूह एफ को विजेता बन्दै अन्तिम १६ मा पुगेको हंगेरीले आइतबार मध्य राति समूह ईको उपविजेता बेल्जियमको सामना गर्नेछ।
समूह चरणमा अपराजित रहने क्रममा हंगेरीले अष्ट्रियालाई हराएको थियो भने आइसल्याण्ड र पोर्चुगलसँग बराबरी खेलेको थियो।
यता इटलीसँग पराजित हुँदै युरो सुरु गरेको बेल्जियम त्यसपछि आयरल्याण्ड र स्वीडेनलाई हराउँदै अन्तिम १६ मा स्थान पक्का बनायो।
हेड टु हेड
हंगेरीले अहिलेसम्म बेल्जियमसँग १६ पटक खेलेको छ। जसमध्ये उसले ३ खेलमा मात्र विजयी भएको छ भने ८ खेल गुमाएको छ। यस हिसाबले बेल्जियम हंगेरीको तुलनामा बलियो देखिएको छ। यीनीहरूले २ खेल बराबरी खेलेका छ्न्।
