यति हिमालय शेर्पा क्लब तेस्रो सफल पोखरा कपको क्वाटरफाईनलमा प्रवेश गरेको छ। पोखरा रंगशालामा आज भएको खेलमा पाहुना टोलि यति एफसी अष्ट्रेलियालाई २– ० ले पन्छाउदै शेर्पा अन्तिम आठमा पुगेको हो। विजेता शेर्पाले कात्तिक १० गते बिभागिय टिम आर्मीको सामना गर्नेछ।
शेर्पाको जितमा म्यान अफ दि म्याच धिरज तामाङ र सेगुनको गोल निर्णायक बन्यो। बिपक्षी टिमको कमजोर रक्षापक्तिको फाईदा उठाउदै खेलको २५ औं मिनेटमा तामाङको गोलबाट अग्रता लिएको शेर्पाले ५८ औं मिनेटमा सेगुनको गोल संगै अग्रता दोब्बर गरेको थियो।
गोर्खाकप देखि टिम सम्हालेका शेर्पाका प्रशिक्षक बिकास गौचनले बिदेशी टिमको खेल अनुसारको रणनीति अपनाएकाले जित हात पारेको प्रतिक्रिया दिए। खेलाडीको प्रदर्शन सन्तोषजनक रहेको उनले बताए। आर्मीसँगको अबको खेल अवसर र चुनौति दुबै रहेको गौचनले बताए। यसअघिका दुई वटा संस्करणमा शेर्पा सेमिफाईनलबाट अघि बढ्न सकेको थिएन।
प्रतियोगिता अबधिभर थुप्रै अबसर पाएपनि सदुपयोग गर्न नसक्दा अष्ट्रेलियाली टोली पहिलो खेलबाटै घर फर्किन बाध्य भयो। टिममा रहेका नेपाली र बिदेशी खेलाडीको तालमेल नमिल्नु पनि अष्ट्रेलियाको लागि दुर्भाग्य बन्यो। 'मौका धेरै पाएपनि सदुपयोग गर्न सकिएन , अष्ट्रेलियाका प्रशिक्षक प्रबेश केसीले भने 'अनुभबि स्ट्राईकर भएनन्।' मैदान र मौसम दुबै अनुकुल नभएकाले खेलाडीले सोचे अनुसार प्रदर्शन गर्न नसकेको उनले बताए।
प्रतियोगिता अर्न्तगत भोलिको खेल आयोजक पोखरा – ११ र शसस्त्र प्रहरीको एपिएप बिच हुनेछ। कास्की जिल्ला फुटबल संघको आयोजनामा जारी प्रतियोगिताको बिजेताले विजेताले ३ लाख ५५ हजार र उपविजेताले २ लाख १ हजार पुरस्कार प्राप्त गर्नेछन्।
यसैबिच प्रतियोगितामा सहभागि यति एफसि अष्ट्रेलियाले एन्फा कास्कीले स्थापना गरेको खेलाडि अक्षयकोषको लागि एक लाख रुपैया सहयोग गरेको छ। अक्षयकोषमा अहिलेसम्म ९ लाख भन्दा बढी संकलन भएको एन्फा कास्कीले जनाएको छ।
प्रतियोगितामा नेपालका ९ टिम र विदेशी तीनसहित १२ टिमको सहभागिता छ। प्रतियोगिताको विजेताले ३ लाख ५५ हजार र उपविजेताले २ लाख १ हजार रुपैयाँ पुरस्कार पाउने आयोजक कास्की जिल्ला फुटबल संघले जनाएको छ।
तस्विर सौजन्य: गोलनेपाल
