मैत्रीपुर्ण खेलका लागि श्रीलंका पुगेको धनगढी क्रिकेट एकेडेमीको टोलीले बिजयी सूरुवात गरको छ। मंलबार खेलेको खेलमा एकेडेमीले मिश्रित प्रदर्शन गरेको छ। पहिलो खेलमा जीत र दोस्रो खेलमा टीमले हार व्यहोरेको हो।
भारतीय बाटो हुँदै पाँच दिने यात्रा गरेर राजधानी कोलम्वोभन्दा उत्तरतिरको शहर मताले पुगेको टोलीमा १७ वर्ष मुनिका खेलाडीहरूले कात्तिक १३ गतेसम्म श्रीलंकास्थित विभिन्न एकेडेमीहरुसँग ८ वटा मैत्रीपूर्ण खेल खेल्नेछ। श्रीलंकाका पूर्व कप्तान तथा विकेट किपर कुमार सांगाकाराको सुन्दर गाउँ मतालेको स्थानीय रवि पन्चेहवा क्रिकेट एकेडेमीको निमन्त्रणामा टोली मैत्रीपूर्ण खेल खेल्नका लागि तेस्रो मुलुकमा अभ्यास खेल खेल्नका लागि नेपालकै पहिलो टोलीको रुपमा श्रीलंका आएको हो।
क्रिकेटको तल्लोस्तरवाटै विकास गर्नुपर्छ भन्ने लक्ष्य गरिएको भ्रमणको मंगलवार भएको पहिलो खेलमा एकेडेमीको टोलीले रोयल स्कुलको टीमलाई ५ विकेटले हराएको छ। दोस्रो विकेटका रुपमा कप्तान दिपेन्द्र थापा र विवेश सिंहले ५० रनको साझेदारी गरेपछि ९२ रनको विजय लक्ष्य ७ वल अगाडी नै भेटाएको हो। थापाले ३० र सिंहले २९ रन वनाए। जीतका लागि एक रन आवश्यक रहेका वल चौका प्रहार गरेर टोलीलाई जिताएका १२ वर्षका सवैभन्दा कान्छा खेलाडी सुवोध ऐरले पनि १७ रन जोडे।
रोयल स्कुलका युमान्ताले ४ विकेट लिए पनि आफ्नो् टीमलाई जीताउन सकेनन्।यसअघि रोयल स्कुललाई ९१ रनमा समेट्नका लागि आसुतोष कुँवरले ४ विकेट र भुवन थापाले ३ विकेट लिएका थिए।
पहिलो मैत्रीपुर्ण खेलको जीतले हौसिएका एकेडेमीका खेलाडीहरुले दोस्रो खेलमा खराव प्रदर्शन गर्दा क्राईस चर्च कलेजसँग ४६ रनले खेल गुमायो। खराव सुरुवात गरेर धरायासी भएको कलेजको टीमका पुछारका व्याट्सम्यानहरु चम्किएपछि १९ ओभरमा सवै विकेट क्षतीमा १३४ रन वनायो। कलेजका लागि एहसानले सर्वाधिक ३० रन जोडे भने एकेडेमीका आसुतोष कुवरले ४ विकेट भुवन थापाले २ विकेट लिए पनि फिल्डिगमा ध्यान नदिदा रन वन्न रोकिएन।
१३५ रनको विजय लक्ष्य लिएर मैदान उत्रिएको एकेडेमीको टोलीको मध्यक्रम नचलेपछि १९ ओभरमा सवै विकेट गुमाउँदै ८८ रनमा समेटियो। टोलीका लागि रोशन अधिकारीले ३८ रन वनाए भने विवेश सिंहले १० रन जोड्नु वाहेक अन्य खेलाडीहरुले दोहोरो रन अंक छुन सकेनन्। क्राईस चर्च कलेजका लागि पिया रत्नेले ३ विकेट र लक्सनले २ विकेट लिए।
मंगलवारको पहिलो खेलमा आसुतोष कुँवर र दिपेन्द्र थापा तथा दोस्रो खेलमा ए हसान र रोशन अधिकारी म्यान अफ द म्याच भए। टोलीले वुधवारको पहिलो मैत्रीपुर्ण खेलमा रबी पुन्चेहवा क्रिकेट एकेडेमी र दोस्रो खेलमा कैकावाला क्रिकेट एकेडेमीसँग प्रतिस्पर्धा गर्दैछ। पहिलो खेल अन्तरर्गत रबी पुन्चेहवाको टिमसंग धनगढी क्रिकेट एकेडेमी खेलिरहेको छ।