विकेट किपर ब्याट्सम्यान महेश क्षेत्रीलाई टोलीमा समेट्दै बिहिबार नेपाल क्रिकेट संघ क्यानले आइसीसी विश्व ट्वेन्टी ट्वेन्टी छनोटको लागि राष्ट्रिय टोलीको घोषणा गरेको छ ।
यो संगै प्राय १४ सदस्यिय टोलीको नाम सार्वजनिक गर्ने क्यानले १५ सदस्यिय टोली बनाएको छ । टोलीमा नया अनुहारको रुपमा जितेन्द्र मुखियालाई ल्याइएको छ । महेश क्षेत्री भने तीन वर्षपछि टोलीमा फर्केका हुन् । भर्खरै सम्पन्न २० ओभरको राष्ट्रिय प्रतियोगितामा उच्च प्रदर्शन गर्दे उनले राष्ट्रिय टोलीमा फर्किने बलियो आधार बनाएका थिए ।
चार जना खेलाडी वैकल्पिकमा छन् । जसमा तेज गतीका बलर चन्द्र साउद र भुवन कार्की छन् भने बांकी दुई जना नरेश बहादुर बुढाऐर र रामनरेश गिरी हुन् । बन्द प्रशिक्षणमा रहेका अनुभवी खेलाडीहरुमा सञ्जम रेग्मी, भेट्रान विनोद दास र मञ्जित श्रेष्ठले टोलीमा स्थान बनाउन सकेनन् भने युवा खेलाडीहरु यज्ञमान कुमाल र सोमपाल थापा पनि अन्तिम सुचीबाट बाहिरिएका छन् ।
आठ राष्ट्र सम्मिलित प्रतियोगिता नोवेम्वर १५ देखि कतारमा शुरु हुनेछ ।
नेपाली टोलीको १५ जना छनोट भएका खेलाडीहरुः
पारस खड्का (कप्तान), ज्ञानेन्द्र मल्ल (उप–कप्तान) शरद भेषावकर, अमृत भट्टराई, शक्ति गौचन, वसन्त रेग्मी, राहुल विक, विनोद भण्डारी, प्रदीप ऐरी, अनिल मण्डल, सागर पुन, जितेन्द्र मुखिया, महेश क्षेत्री, सुवास खकुरेल र अभिनाश कर्ण ।
