थ्री स्टार क्लबका प्रशिक्षक प्रदीप हुमागाइँले थ्री स्टार क्लबबाट आज स्वेच्छिक राजीनामा दिएका छन्।
थ्री स्टारका लागि एक वर्षको अवधिसम्म काम गरेका प्रशिक्षक हुमागाइँले आज पत्रकार सम्मेलनको आयोजना गरी आगामी दिन थ्री स्टारका लागि कुनै काम नगर्ने निर्णय गरेको जानकारी गराएका हुन्।
प्रशिक्षक हुमागाइँले थ्री स्टार क्लबका अफिसियलहरुले आफूलाई राम्रो व्यवहार गरे पनि खेलाडीहरुलाई भने खासै राम्रो व्यवहार नगरेको कारण र उनीहरुको दुःख हेर्न नसकेकाले पनि राजीनामा दिएको बताए।
उनले जुनसुकै क्लबले खेलाडीलाई खुसी बनाएमात्र खेलमा जित हासिल गर्न सकिने विचार व्यक्त गर्दै आजबाट सबै क्लबले प्रशिक्षकका लागि कुराकानी गर्न ढोका खुल्ला भएको उल्लेख गरे। रासस