दशरथ रंगशालामा भएको एएफसी यु–१६ च्याम्पियनसिप छनोट फुटबलमा समूह 'सि' को अन्तिम खेलमा नेपालले तुर्केमिनिस्तानलाई हराएको छ । यो विजयसँग सात वर्षपछि नेपाल एएफसी यू-१६ च्याम्पियनसिपको फाइनल चरणमा प्रवेश गरेको छ ।
आइतबार दशरथ रंगशालामा भएको अन्तिम खेलमा तुर्कमेनिस्तानलाई ४-० गोल अन्तरमा हराउँदै सन् २००६ यता पहिलोपल्ट छनोट पार गरेको हो । नेपालका लागि सिनियर टोलीबाट पनि उत्कृष्ट प्रदर्शन गरेका युथ टोलीका कप्तान बिमल घर्तिमगरले ह्याट्रिक गर्दै खेलमा शानदार विजय भएको थियो ।
सिनियर राष्ट्रिय टिमबाट खेल्दै आठौं साफमा उत्कृष्ट गोल गरेका यू-१६ का कप्तान विमल घर्तीमगरको प्रहारमा बलले सहि दिशा लिएपछि पहिलो हाफको इन्जुरी समयमा नेपालले खेलमा अग्रता लियो । दोस्रो हाफमा गोल थपिदै अन्तर चार पुग्यो ।
अञ्जान विष्टको पासलाई सदुपयोग गर्दै बिमलले हेडमार्फत पहिलो गोल गरेका हुन् । यसैगरी आफ्नो कप्तानीको सुरुवाती भूमिकालाई उत्कृष्ट साबित गर्दै खेलको ५१ औ मिनेटमा गौरव बुढाथोकीको क्रसमा सहि सदूपयोग गर्दै विमलले नै दोस्रो गोल गरेका थिए ।
खेलको ७५ औं मिनेटमा दिनेश राजवंशीले तेस्रो गोल गरे । त्यसको सात मिनेट नबित्दै कप्तान विमलले ह्याट्रिक मात्र बनाएनन् नेपाललाई चार गोलको अग्रता दिलाए ।
यसअघि पहिलो खेलमा फिफा बरियतामा १२१ औ स्थानमा तथा गल्फ यू-१७ कपको सेमिफाइनल समेत खेलेको बहराइनलाई २–० ले हराएको नेपालले फिफा वरियतामा १०५ औ स्थानमा रहेको इराकसँग २–२ गोलको बराबरी खेलेको थियो । नेपालसँग हारेको तर्किमिनास्तन १२५ बरियतामा छ ।
नेपाल फिफा बरियतामा यी मुलुकभन्दा धेरै पछाडी १६१ औं स्थानमा छ । भलै युवा फिफा टोलीको बरियता हुँदैन । सिनियर टोलीको बरियता र युथहरुको कौशलमा खासै अन्तर हुन्न । युवा टोलीमा संसारमा ब्राजिल, स्पेन, अर्जेन्टिना लगायतनै संसारमा अगाडि छन् ।
अर्को महिना फिफा यू-१७ वल्र्ड च्याम्पियनसिप खेल्ने तयारीमा रहेको इराकविरुद्ध नेपालले शानदार बराबरी गरेको थियो । उत्कृष्ट प्रदर्शनन गर्दै नेपालले आफ्नो यात्रा पुरा गरेको छ ।
लगातार छनोट चरणको खेल खेल्दै आएको नेपालले सन् २००० र २००६ मा बाहेक अन्य संस्करणमा नेपालको यात्रा छनोटमै टुंगिदै आएको थियो । अघिल्ला दुई ब्याचले एएफसी यू-१६ छनोटमा बिर्सनलायक प्रदर्शन गरेको नेपालका लागि सर्वाधिक सफल मानिएको बिमल घर्तिमगर नेतृत्वको टिमले आफ्नो क्षमता देखाएरै छाड्यो ।
यही मैदानमा नेपाली युवा टोलीले अघिल्लो महिना भएको साफ यू-१६ च्याम्पियनसिपको सम्मको यात्रा पनि तय गरेको थियो ।
अब नेपालसहित छनोटमा १० समूहका विजेतासँगै उपविजेतामध्येका उत्कृष्ट ५ गरी कुल १५ टिमले आयोजक थाइल्यान्डसँग अर्को वर्ष हुने १६ औं संस्करणको फाइनल चरण खेल्नेछन् । गत वर्ष भएको १५ औं संस्करणको सेमिफाइनल खेलेको इराक यसपटक समूह चरणबाटै बाहिरिएको छ । आजै भएको पहिलो खेलमा बहराइनसँग २-१ गोल अन्तरमा पराजित भएको हो ।
