तस्बिरः एन्फा
दक्षिण एसियाली खेलकुदको पुरुष फुटबलमा नेपालले भोलि (बिहीबार) बंगलादेशको सामना गर्ने भएको छ। यो समूह ‘बी’ को लिग चरणको अन्तिम खेल हो। नेपाल यसअघि नै प्रतियोगिताको सेमिफाइनलका लागि छनोट भइसकेको छ र बंगलादेशविरुद्धको खेलले समूह विजेता र उप विजेताको निर्णय गर्नेछ।
नेपालले पहिलो खेलमा भुटानलाई ५–० ले हराएको थियो । भुटान र बंगलादेशबीचको खेल १–१ को बराबरीमा टुंगेको थियो। समूहमा नेपालको तीन अंक छ भने बंगलादेश र भुटानको समान एक/एक अंक छ।
