बङ्लादेशमा भइरहेको यु-१९ विश्वकप अन्तर्गत सुपरलिगको प्ले अफमा नेपाल पाकिस्तानसँग १२२ रनको फराकिलो अन्तरले पराजित भएको छ।
२५९ रनको लक्ष्य पछ्याएको नेपाल ४३.५ ओभरमा १३६ रन बनाउँदा अल आउट भयो।
नेपालका लागि प्रेम तामाङले अविजित ६५ रन बनाउँदै हारको अन्तर कम गर्न योगदान गरे। अन्य ब्याट्सम्यानले पाकिस्तानी बलर सामू नेपाली खुलेर प्रदर्शन गर्न सकेनन्। कप्तान राजु रिजालले १५ रन जोडे भने अन्यले दोहोरो अंक बनाउन सकेनन्।
नेपाललाई कम योगफलमा सिमित गर्ने क्रममा हसन मोसिनले सर्वाधिक ४ विकेट लिए।
टस हारेर ब्याटिङ थालेको पाकिस्तानका मोसिन र सइफ बदरले १८९ रनको गतिलो साझेदारी गरेपछि पाकिस्तानले नेपाललाई २५९ रनको चुनौति दिएको थियो। उसले निर्धारित ५० ओभरमा ८ विकेट गुमाएर १५८ रन बनाएको हो।
कमजोर अवस्थामा पुगेको पाकिस्तानको स्कोर माथि उकास्ने क्रममा बदरले ८८ र मोसिफले ११७ रनको योगदान गरे।
पहिलो ओभरमै विकेट लिएर राम्रो सुरुवात गरेको नेपालले मोसिफ र बदरको साझेदारी भने तोड्न सकेन। पहिलो ओभर मेडन राख्दै आरिफ शेखले मोहम्मद उमरको विकेट लिएका थिए। शेखले पाँचौ ओभरमा गौहर हफिजको विकेट लिएर पाकिस्तानमाथि थप दबाब सिर्जना गरे। शेखले नै १३ रन बनाएका हसन खानलाई दिपेन्द्रसिंह ऐरीको बलमा क्याच गरे।
सन्दिप लामिछानेले महत्वपूर्ण तीन विकेट हात पारे। दिपेन्द्र सिंह ऐरी र आरिफ शेखले २-२ तथा सुशील कँडेलले १ विकेट लिए।
अब नेपालले सातौं स्थानका लागि र पाकिस्तानले पाँचौ स्थानका लागि खेल्नेछन्।
