तेह्रो संस्करणको तेन्जिङ हिलारी एभरेष्ट म्याराथनको उपाधि नेपाल आर्मीका भीम गुरूङले जितेका छन्।गुरूङले दौड जितेपछि आफूलाई ज्यादै खुसी लागेको प्रतिक्रिया दिएका छन्। गुरूङले ४ घन्टा १ मिनेट ५४ सेकन्डमा दौड पुरा गरेका थिए।
खुल्ला म्याराथुन अन्तर्गत दोस्रोमा नेपाली सेनाकै सुरेन्द्र बस्नेत भए उनले ४ घन्टा ३ मिनेट १८ सेकेन्डमा दौड पुरा गरे। यस्तै लुक्ला फ्रेन्डस् क्लबका पासाङ लामा तेस्रो भएका थिए। यस्तै खुला अन्तर्राष्ट्रिय म्याराथनको उपाधि पोल्याण्डका रोबर्टले जिते।
यस्तै महिलातर्फको उपाधि आङदामी शेर्पाले जितिन्। दावा डोमा शेर्पा दोस्रो र नीरकला राई तेस्रो भए। उपाधि विजेताले विभिन्न नगद पुरस्कार पाएका थिए।