तस्बिर: एन्फा
भारतसँग मैत्रीपूर्ण फूटबल खेल्ने नेपाली राष्ट्रिय टोलिको अखिल नेपा फूटबल संघ एन्फाले शुक्रबार बिदाइ गरेको छ।
टोलिलाई खेलकुद मन्त्री पुरुषोत्तम पौडेल र एन्फा अध्यक्ष गणेश थापाले बिदाइ गरेका हुन्।
बिदाइ कार्यक्रममा नेपालका नवनियुक्त प्रशिक्षक प्याट्रिक असेम्ससमेत प्रस्तुत भएका थिए। उनले खेलाडीहरुलाई मुस्कानका साथ मैदानमा उत्रिन सुझाए।
उनले भने, 'फूटबल विश्वमा सबैभन्दा राम्रो काम हो। म चाहन्छु मेरा खेलाडीहरु खुशीसाथ यो काम गरुन्। त्यपछि प्रदर्शन यसै राम्रो हुन्छ।'
नेपालले भारतसँग भदौ १४ गते पुनेमा एउटा मैत्रीपूर्ण खेल खेल्ने छ।
