फाइल तस्विरः आइसिसि
इन्डियन प्रीमीयर लीग (आइपीएल) को आठौँ संस्करणको उपाधिका लागि आइतबार इडन गार्डेन स्टेडियममा मुम्बई इन्डियन्स र चेन्नाई सुपर किङ्स आमने सामने हुने भएका छन्।
उपाधि भिडन्तको यो भेट एक किसिमले यो सन् २०१३ को संस्करणको पुनरावृत्ति भएझैँ हुनेछ।
सन् २०१३ को फाइनलमा चेन्नईलाई २३ रनले हराउँदै मुम्बईले उपाधि जोगाएको थियो। मुम्बईले पहिले ब्याटिङ गरेर बनाएको १४८ रनको लक्ष्य पछ्याएको चेन्नई १२५ रनमा समेटिएको थियो।
आइपीएलको आठौँ संस्करणको शीर्षस्थानको प्रतिस्पर्धा पनि कोलकाता मै खेलिएको थियो। जसमा मुम्बई इन्डियन्सले बाजी मारेको थियो। सुपर किङ्स भने छैठौँ पटक फाइनलमा प्रवेश गर्न सफल भएको हो। जस मध्ये दुईपटक उसले उपाधिमाथि कब्जा जमाएको छ।
यसपटक दुवै टिमलाई फाइनलको बाटो त्यति सहज छैन। प्रतियोगितामा मुम्बईको सुरूवात निराशाजनक रह्यो र टिमले सुरूका ४ खेलमा हारको सामना गर्नुपर्यो।
झन्डै प्रतियोगिताबाट बाहिरिएको मुम्बई इन्डियन्स लाई रोहित शर्माको नेतृत्वले खेलमा फर्कायो। टिमले आफ्नो अन्तिम नौ लीग खेल मध्ये सातवटामा जित हात पार्यो र अंक तालिकामा आफ्नो नाम दास्रो स्थानमा राख्दै प्लेअफमा प्रवेश गरेको थियो।
यसपछि आफ्नो क्षेत्रको वानखेडे स्टेडियममा खेलिएको पहिलो क्वालिफायरमा मुम्बई ईन्डियन्सले चेन्नई सुपर किङ्सलाई हराउँदै फाइनलमा आफ्नो स्थान सुरक्षित गर्यो।
अर्कोतर्फ सुपर चेन्नई सुपर किङ्सले लिगको १४ खेल मध्ये ९ वटामा जित हात पार्दै १८ अंकको साथमा अंकतालिकामा शीर्षस्थानमा रहँदै प्लेअफ क्वालीफायरमा प्रवेश गर्यो। पहिलो क्वालिफायर म्याचमा मुम्बईसँग पराजित चेन्नईलाई फाइनल पुग्न अर्को खेल जित्नै पर्ने भयो।
यसैबीच चेन्नईले शुक्रबार राँचीमा खेलिएको दोस्रो क्वालीफायरमा रोयल च्यालेन्जर्स बैंलोरलाई तीन वीकेटले हराउँदै उपाधिका लागि फेरि मुम्बईसँगको भेट पक्का गर्यो।
दुवै टिमको बीच भएको आमने सामनेमा मुम्बई हाबी रहेको छ। २१ खेलमध्ये मुम्बईले ११मा जित हात पारेको छ भने चेन्नईले १० वटामा जित हात पारेको छ।
आज हुने फाइनल खेल एक तरिकाले वेस्टइन्डिजका स्टार खेलाडीहरूबीच पनि हुने एक रोचक प्रतिस्पर्धा बन्नसक्छ।
चेन्नईको आशा जहाँ ओपनर ड्वायन स्मिथ र ड्वायन ब्रावोमा छ त्यहीँ मुम्बईका प्रशंसकहरुको नजर लेंडल सिमन्स र किरण पोलार्डमा छ।
ब्रावो यो संस्करणमा १५ खेलमा सबैभन्दा बढी २४ विकेट लिएर बलरको सूचीमा सबैभन्दा अगाडि छन्। यसबाहेक मुम्बईका कप्तान रोहित शर्मा र चेन्नईका महेन्द्र सिंह धोनीले पनि ठूलो भूमिका निभाउन सक्छन्।
मुम्बईका फास्ट बलर लासिथ मालिंगा र चेन्नईका आशीष नेहरामाथि पनि आ–आफ्नो टिमको तर्फबाट उत्कृष्ट प्रदर्शन गर्ने दबाब हुन्छ। हेरौ उपाधि कसले जित्छ। त्यो बेलुका ८ बजेदेखि सुरू हुने खेलमा भर पर्छ।
