भुटानको राजधानी थिम्पुमा जारी किङ्स कप फुटबल प्रतियोगितामा नेपालबाट सहभागि जनाएको थ्री स्टार क्लब र भारतको युनाइटेड सिक्किम फुटबल क्लबबीचको खेल १–१ गोलको बराबरीमा सकिएको छ।
थ्री स्टार क्लबका अध्यक्ष ललितकृष्ण श्रेष्ठले दिएको जानकारी अनुसार लिग कम नकआउटका आधारमा भएको खेलको १३ औँ मिनेटमा नेपाली टोलीका अफ्रिकन खेलाडी डोइलोजले पहिलो गोल गर्दै नेपालका लागि अग्रता दिलाएका थिए।
भारतको युनाइटेड सिक्किमका लागि खेलको ३९ औँ मिनेटमा फ्री किकको अवसर पाएका शेनसन अन्सारीले प्रहार गरेको बलले गोल पोष्टको दिशा लिँदा खेल १–१ गोलको बराबरीको स्थितिमा आएको थियो। तस्विर सौजन्य गोलनेपालडटकम
