बलका लागि भिड्दै हरियो जर्सीमा मुनाल क्लबका खेलाडीहरु, सेतो धर्सा जर्सीमा मनाङका खेलाडी। तस्बिरः उपेन्द्र चाम्लिङ
मनाङ मर्स्याङ्ग्दी क्लब काठमाडौंले मुनाल क्लव झापालाई एकातर्फी जित निकाल्दै १७ औं रेडबुल बुढासुब्बा गोल्डकपको सेमिफाइलनमा प्रवेश गरेको छ।
झापालाई २–० गोल अन्तरले एकल जित निकाल्दै मनाङ अन्तिम चारमा पुगेको हो। मनाङले अन्तिम दुईको लागि विभागीय टिम त्रिभुवन आर्मी क्लब काठमाडौंसँग स्पर्धा गर्ने भएको छ। जितका लागि मनाङले पूर्वार्द्धको इन्जुरी समय र उत्तरार्द्धको इन्जुरी समय सदुपयोग गरेको थियो। जस्मा अफ्रिकन खेलाडी सिसोको र डोडोजले गोल गरे।
सिसेकोले पहिलो हाफको ४५ मिनेटमा सुलभ मास्केको कर्नर प्रहारलाई हेडमार्फत जाली चुमाए। त्यस्तै डोडोजको मध्यभाग नजिकबाट गरेको एकल प्रयासमा रक्षापंक्तिका दुई खेलाडी र विपक्षी गोलरक्षकलाई झुक्याउँदै गोल गरे। खेलको म्यान अफ दि म्याच सिसोको घोषित हँुदै नगद सुनसरी टेक्निकलको तर्फबाट ५ हजार रुपैयासहित ट्रफी पाए। त्यस्तै क्वालिटी फुड प्रोडक्सको तर्फबाट एक कार्टुन ताईपाई चाउचाउ प्राप्त गरे।
‘हाम्रो खेलबाट म सन्तुष्ट छैन्।' मनाङका प्रशिक्षक राजु शाक्यले भने। मनाङबाट शिव श्रेष्ठ, विशाल राई बि, विराज महर्जन, अनिल गुरुङको अभाव महसुस भएको उनले बताए। पाएको मौकालाई सदुपयोग गर्न नसक्दा सोचे अनुरुपको स्कोर नआएको बताए। खेलमा केही नयाँ खेलाडीहरुलाईसमेत मौका प्रदान गरिएको उनले बताए।
खेलमा मनाङले ४ मिनेटमै सुन्दर मौका प्राप्त गरेको थियो। अफ्रिकन खेलाडी लियोनेल स्टेफनले सानो डिबक्सबाट गरेको प्रहार गोलरक्षकले पञ्च गर्दै जोगाउँदा त्यही बललाई रवि पासवानको खुट्टामा पुग्यो। उनको पासमा रुपेश केसीको प्रहार माथिल्ला बारमा ठोक्किएपछि पहिलो गोल गर्ने मौका चुक्यो। त्यस्तै १५ मिनेटमा रुपेश केसीको पासमा दिपक राईको प्रहार गोलरक्षकले बिफल तुल्याए। ३१ मिनेटमा दिपक राईको पासमा रवि पासवानको प्रहारले माथिल्लो बारमा लागेर फर्किएको थियो। दोस्रो हाफमासमेत केही अवसर प्राप्त गरे पनि गोलपोष्टको दिशा दिन नसक्दा स्कोर निस्कन सकेन्।
मुनालका केही अवसरलाई मनाङका गोलरक्षकले विफल तुल्याएका थिए। खेलको १२ औं मिनेमाट अफ्रिकन खेलाडी एडि्रज जुनियरकोप्रहारमा गोलरक्षकले पञ्च गर्दै बचाएका थिए। पुनः ३५ मिनेटमा एडि्रजकै प्रहार गोलपोष्ट भन्दा केही माथिबाट बाहिरिएको थियो। मुनालका टिम कोच गम्भिर राईले आफ्नो टिममा स्ट्राइकरको अभाव खटि्एको बताए। ‘त्यतिकै पनि मनाग टिमवर्क भएको टिम हो। हाम्रो टिम सेट गर्न समयमा सकिएन्।, हाम्रो समग्रमा स्ट्राइकर लाइन नै कमजोर देखियो।, उनले भने।
मुनाल यही वर्षको लिग च्याम्पियन टिम हो। गोर्खा कपसमेत सहभागिता जनाइसकेको मुनालसँग मनाङको राष्टि्रय खेलमा पहिलो भेट हो। आजको खेलमा अवु मागा र फ्लोरेनेट कोब्राले पहेलो कार्ड खाएका थिए। भोली (बुधबार) को पहिलो सेमिफाइलन खेल आयोजक धरान फुटबल क्लब र विभागीय टिम एपिएफ काठमाडौंबीच हुदै छ।
भोलिको खेल धरान फुटबल क्लब र एपिएफ काठमाडौं
