विश्वकप क्रिकेट अन्तर्गत डिफेन्डिङ च्याम्पियन भारतले लगातार तेस्रो जित दर्ता गरेको छ। टस जितेर पहिले ब्याटिङ गरेको युएईले निर्धारित ५०ओभरको खेलमा ३१.३ ओभरमा अल आउट हुँदै १०२ रन बनाएको थियो। १०३ रनको विजयी लक्ष्य भारतले १८ ओभरमा एक विकेट गुमाएर भेट्टाएको छ। भारतका लागि रोहित शर्माले सर्वाधिक ५७ रनको योगदान दिए। यस्तै विराट कोहलीले ३३ तथा शिखर धवनले १४ रन बनाए। युएईका लागि रोहन मुस्ताफाले १ विकेट लिए।
यसअघि युएईका लागि साइमन अनवारले सर्वाधिक ३५ रन बनाए। यस्तै कुराम खानले १४ रन बनाउनु बाहेक अन्य कुनै पनि ब्याट्म्यानले दोहोरो रनको स्कोर छुन सकेनन्।
भारतका लागि रविच्नद्रन आश्विनले चार तथा रविन्द्र जवेदाले २ विकेट लिएका थिए। आजको जितसँगै भारत समूह बीमा सतप्रतिशत नतिजासहित शीर्ष स्थानमा यथावत छ।