भारतको नयाँ दिल्लीमा साउन ५ देखि ७ गतेसम्म सञ्चालन हुने दक्षिण एसियाली जुनियर टेबलटेनिस प्रतियोगिताका लागि १० जना नेपाली खेलाडी छनोट भएका छन्।
छनोट भएका खेलाडीमा जुनियर पुरुषतर्फ मणि लामा, पियुश अवाल र निहाल श्रेष्ठ रहेका छन्। त्यसैगरी क्याडेट विधाको पुरुषतर्फ कृष्ण थापामगर र सन्तु श्रेष्ठ चयन भएका छन्।
प्रतियोगिताको जुनियर महिलामा काजोल रौनियार, मनिता चित्रकार र सुनिता लामा रहेका छन् भने महिलाको क्याडेटतर्फ सोनु थापा मगर र गीता अर्याल छनोट भएको अखिल नेपाल टेबलटेनिस सङ्घका अध्यक्ष चतुरानन्द वैद्यले जानकारी दिए।
उक्त प्रतियोगिताको प्रशिक्षकमा शङ्कर गौतम र सञ्जय अर्याल, व्यवस्थापकमा नवीनबहादुर सिंह तथा निर्णायकमा विनोद शाक्य रहेका छन्। रासस