लिग लिडर चेल्सीले इंग्लिस प्रिमियर लिगमा ५ अंकको अग्रता कायमै राखेको छ। गएराति सम्पन्न अत्यान्त रोमाञ्चक खेलमा दोस्रो स्थानमा रहेको म्यानचेष्टर सिटीसँग १–१ को बराबरी खेल्दै लिगमा अग्रता कायमै राखेको हो।
गएरातिको बराबरीपछि चेल्सी २३ खेलबाट ५३ अंकसहित शीर्ष स्थानमा यथावत छ भने दोस्रो स्थानमा रहेको सिटीको समान खेलबाट ४८ अंक छ।
घरेलु मैदान स्टामफोर्ड ब्रिजमा भएको खेलमा चेल्सीले ४१ औं मिनेटमा रेमीको गोलबाट अग्रता लिएको थियो। तर, पहिलो हाफको अन्तिम मिनेटमा डेभिड सिल्भाले सिटीका लागि बराबरी गोल फर्काए। बाँकि समय खेलमा गोल भएन र दुबै टिमले अंक बाढ्न बाध्य भए।
लिगमा २३ खेल पछि म्यान्चेस्टर युनाइटेड ४३ अंकसहित तेस्रो तथा एक खेल कम खेलेको साउथह्याम्टन ४२ अंकसहित चौथो स्थानमा छन्।