झापाको बिर्तामोडमा सञ्चालन भइरहेको राष्ट्रव्यापी आमन्त्रण महिला तथा पुरुष बक्सिङ प्रतियोगिताको दोस्रो दिन पनि बिभागिय टोलीको बर्चस्व कायम भएको छ। शुक्रबार भएको प्रतियोगितामा नेपाल प्रहरीका निरञ्जन श्रेष्ठ पहिलो सेमिफाइनल पुग्ने खेलाडी भएका छन्।
पुरुषतर्फको चारवटा इभेन्टमा बिभागीय टोली नेपाल प्रहरीका ४९ केजी समुहका निरञ्जनले काठमांडौका सुनिल नगरकोटीलाई अंकको आधारमा पराजित गरी प्रतियोगिताको सेमीफाइनलमा पुगने पहिलो खेलाडी भएका छन्। सोही समुहमा शसस्त्र प्रहरी (एपिएफ)का का बिक्रम परियारले आर्मीका धनराज महतोलाई अंकका आधारमा पराजित गरी दोश्रो चरणमा पुगेका छन्। सोही समुहमा रहेका काठमाडौका शुसिल थापाले काठमाडौकै कमल खड्कालाई पनि अंकको आधारमा पराजित गरेका छन्। त्यसैगरी ४९ केजी समुहको एपिएफका आश तामाङ्गले रोल्पाका नरेन्द्र गुरुङ्गलाई पराजित गरि अघिल्लो चरणमा प्रवेश गरेका छन्।
प्रतियोगीताको ५२ केजी तौल समुहमा आर्मीका प्रेम चौधरीले कञ्चनपुरका गौरवसिंह बोहोरालाई दोश्रो राउण्डमा टेक्निकल नकआउट गरी बिजयी भएका छन्। सोही समुहका झापाका निकेश श्रेष्ठले झापाकै शम्भु राजवंशीलाई पराजित गरेका छन् भने नेपाल प्रहरीका शुरेस मानन्धरले झापाका सुदिप तामाङ्गलाई पहिलो राउण्डमै नकआउट गरेका थिए। त्यसैगरी एपिएफका कविन्द्र महर्जनले पनि सुनसरीका नविन लिम्बुलाई टेक्निकल नकआउट गरी अघिल्लो चरणमा प्रवेश पाएका छन्।
त्यसैगरी ५६ केजी तौल समुहमा भएको फाइटमा नेपाल प्रहरीका दिनेश श्रेष्ठले कैलालीका भरत साउदलाई दोश्रो राउण्डमा टेक्निकल नकआउट गरेका छन्। सोही समुहमा एपिएफका पुरण राईले आर्मीका नरेश देवाङलाई अंकको आधारमा पराजित गरे। खेलमा सबैभन्दा रोचक रहेको सो फाइट अन्तिम राउण्डमा राइले हुक सट प्रहार गरी अंक पाएका थिए। सोही समुहका सुनसरीका महेश आलेमगरले कैलालीका जनक भण्डारीलाई दोश्रो राउण्डमा टेक्निकल नकआउट गरेका थिए भने आर्मीका उमेश तामाङ्गले एपिएफका युकेश नगरकोटीलाई अंकको आधारमा पराजित गरी अर्को राउण्डमा प्रवेश गरेका छन्।
शुक्रबारै भएको ६० केजी तौल समुहको खेलमा एपिएफका पूर्णबहादुर लामाले रोल्पाका पर्शुनारायण बुढामगरलाई पहिलो राउण्डमै नकआउट गरेका थिए। झापाका प्रेमकुमार राई रिङमा नआएपछि आर्मीका गोपाल सुनुवार वाकओभर पाउँदै बिजयी घोषित भए। त्यसैगरी आर्मीका दानबहादुर दर्लामीले कञ्चनपुरका शुरेस भण्डारीलाई दोस्रो राउण्डमा नकआउट गरी अघिल्लो चरणमा पुगेका छन्। यता नेपाल प्रहरीका सुमन लामाले सुनसरीका विराज राइलाई अंकको आधारमा पराजित गरेका छन्।
पुर्वेली युवा परिवार बिर्तामोडको आयोजना तथा जिल्ला खेलकुद विकास समिति र झापा जिल्ला बक्सिङ संघको समन्वयमा असार २७ देखी सञ्चालन भएको प्रतियोगितामा देशभरका २ सय बढी खेलाडी सहभागी भएका छन्। आगामी एशियन र साफ गेमका लागि छनौट गरिने भएकाले राष्ट्रियस्तरबाट यो प्रतियोगितालाई महत्वका साथ लिइएको छ ।
तस्विर पुस्प बराल