युवा तथा खेलकुदमन्त्री रामकुमार श्रेष्ठले सरकारले खेलकुदलाई उच्च प्राथमिकतामा राखेकाले आगामी आर्थिक वर्षमा खेलकुदको बजेट वृद्धि गरिने बताए।
नेपाल सोतोकान कराते सङ्घद्वारा आज राजधानीमा आयोजित पाँचौँ इन्डो–नेपाल सोतोकान कराते प्रतियोगिताको उद्घाटन गर्दै मन्त्री श्रेष्ठले बजेट वृद्धिसँगै देशका विभिन्न स्थानमा खेलकुदका पूर्वाधार निर्माण गरिने उल्लेख गरे।
नेपाल सोतोकान कराते सङ्घका अध्यक्ष हेमकुमार श्रेष्ठले भोलिसम्म सञ्चालन हुने प्रतियोगितामा नेपालका २५० र भारतका १५० गरी ४०० खेलाडीको सहभागिता रहेको जानकारी दिए। रासस
