धनगढीमा आइतबारदेखि सुरु भएको ३८ औं आईजीपी रनिङ शिल्य फुटवल प्रतियोगितामा दुई टीमले विजयी सुरुवात गरेका छन् भने दुई टीमले बराबरी खेलेका छन्।
नेपाल प्रहरी क्षेत्रीय खेलकुद समिति कैलालीले आयोजना गरेको प्रतियोगिताको पहिलो खेलमा सुदूरपश्चिम र मध्यपश्चिमले बराबरी खेलेका छन्।
सुदूरपश्चिमका तर्फबाट जर्सी नम्बर ३७ का जीत थापा र जर्सी नम्बर २१ यादव रानाले १/१ गोल गरेका छन् भने मध्यपश्चिमका जर्सी नम्बर १३ का प्रकाश थापा एक्लैले २ गोल गरेका छन्।
दोस्रो खेलमा मध्य क्षेत्रले महानगरीयलाई ३ शुन्य गोल अन्तरले हराएको छ। मध्य क्षेत्रका जर्सी नम्बर २१ का मिलन गालामगर एक्लैले २ र जर्सी नम्बर १० का निरज मगरले १ गोल गरेका छन्।
त्यस्तै तेस्रो खेलमा पूर्व क्षेत्रले प्रधान कार्यालयलाई २ शुन्यको गोल अन्तरले पराजित गरेको छ।
पूर्व क्षेत्रका जर्सी नम्बर ११ का अनिल राई र जर्सी नम्बर ८ का विकास राईले समान १/१ गोल गरेका छन्।
प्रतियोगिताको एक समारोहकाबीच सुदूरपश्चिम प्रहरी प्रमुख प्रहरी नायब महानिरिक्षक जयबहादुर चन्दले उद्घाटन गरेका थिए।
प्रतियोगितामा नेपाल प्रहरी अर्न्तगतका देशभरका सात वटा टीमको सहभागिता रहेको धनगढीस्थित प्रहरी सशस्त्र गणका प्रमुख प्रहरी उपरिक्षक गोविन्दराम परियारले जानकारी दिएका छन्।
प्रतियोगिता पुष ११ गते सम्पन्न हुनेछ। प्रतियोगिताको समापनका अवसरमा नेपाल प्रहरीका प्रमुख प्रहरी महानिरिक्षक उपेन्द्रकान्त अर्यालको उपस्थिति रहने बताईएको छ।
