नेपाल फिफा वरियतामा नेपाल २ स्थान माथि उक्लिएको छ । विश्व फुटवलको सर्वोच्च संस्था फिफाले जुलाई महिनाको वरियता सार्वजनिक गर्दा नेपालले आफ्नो वरियतामा सुधार गरेको हो । यसअघिको १ सय ७१ औं स्थानमा रहको नेपाल २ स्थान माथि उक्लदै १ सय ६९ औ स्थानमा उक्लिएको छ ।
दक्षिण एसियामा अफगानिस्तान सबैभन्दा माथि १४० औ स्थानमा छ । त्यस्तै भारत एक स्थान माथि उक्लदै १४६, बंगलादेश १५२, माल्दिभ्स तीन स्थान माथि उक्लदै १५४ र पाकिस्तान पनि एक स्थान माथि उक्लदै १६७ औ स्थानमा छन् । नेपाल भन्दा पछाडि रहेका श्रीलंका पनि एक स्थान माथि उक्लिएर १७१ र भुटान २०७औ स्थानमा रहेका छन् ।
वरियतामा स्पेन शीर्ष स्थानमा कायमै छ भने दोस्रो स्थानमा जर्मनी पनि यथावतै छ । त्यस्तै चार स्थानमाथी उक्लिदै कोलम्बिया तेस्रो स्थानमा पुगेको छ भने १ स्थान तलझर्दै अर्जेन्टीना चौंथो स्थानमा छ । त्यसैगरी फिफा वरियतामा नेदरल्याण्ड पाँचौं, इटाली छैटौं, पोर्चुगल सातौ स्थानमा कायम छन् । क्रोएसिया चार स्थान तल झर्दै आठौ स्थानमा पुगेको छ । भर्खरै कन्फेडेरेशन कपको उपाधि जितेको ब्राजिल १३ स्थान माथि उक्लिएर नवौ तथा २ स्थान माथि उक्लिएको बेल्जियम दशौ स्थानमा रहेको छ ।
