ब्राजिलले अन्तरमहादेशीय कप (कन्फेडेरेशन कप) फुटवलको उपाधि लगातार जितेको छ । सोमबार विहान ब्राजिलको राजधानी रियो द जेनेरियोस्थित स्तादियो माराकाना रंगशालामा भएको फाइललमा आयोजक ब्राजिलले विश्व च्याम्पियन स्पेनलाई ३–० को एकतर्फी गोलअन्तरले हराउँदै कन्फेडेरेशन कपको उपाधिमा कब्जा जमाउँदै ह्याट्रिक गरेको छ।
घरेलु टोली ब्राजिलले खेल सुरु भएको दोस्रो मिनेटमै अग्रता लिएको थियो । ब्राजिलका लागि फ्रेडले गोल गरेका हुन् । यस्तै पहिलो हाफको अन्तिम मिनेटमा नेमारले गोल गर्दै ब्राजिललाई २–० को अग्रतामा पुर्याए । दोस्रो हाफ सुरु भएको दोस्रो मिनेटमै फ्रेडले नै दोस्रो गोल गर्दै खेल ३–०को स्थितिमा पुर्याए । आजको जितसँगै उपाधिविजेता ब्राजिलले स्पेनको लगातार २९ औं खेलसम्म अपराजित यात्रालाई पूर्णविराम लगाइदिएको छ ।
हजारौ घरेलु समर्थकमाझ निरिह बनेको स्पेनले दोस्रो हाफमा पाएको पेनान्टीलाई पनि सर्जियो रामोसले गोल गर्न सकेका थिएनन् । सेमीफाइनलमा स्पेनले इटलीलाई र ब्राजिलले उरुग्वेलाई हराउँदै फाइनल प्रवेश गरेका थिए । यता ट्राइबेकरमा उरुग्वेलाई हराउँदै इटली तेस्रो भएको छ । गए राति तेस्रो स्थानका लागि भएको खेलमा इटलीले उरुग्वेलाई ट्राइबेकरमा ३–२ हराएको हो । निर्धारित र अतिरिक्त समयमा २–२ गोलको बराबरी भएपछि खेलको निर्णय ट्राइबेकरबाट भएको थियो ।
