तस्विरः गोल नेपाल
नेपाल र फिलिपिन्सबीच गएराति भएको मैत्रीपूर्ण फुटबलमा नेपाल पराजित भएको छ। कतारको दोहामा भएको खेलमा फिलिपिन्सले नेपाललाई ३–० गोल अन्तरमा हराएको हो।
नेेपालले पहिलो हाफ गोलरहित बराबरीमा रोके पनि दोस्रो हाफमा तीन गोल खाएको थियो। फिलिपिन्सका लागि खेलको ४९ औँ मिनेटमा सिमोनले गोल गरे। खेलको ६५ औँ मिनेटमा नेपाली मिडफिल्डर जगजित श्रेष्ठ रातो कार्ड खाँदै मैदानबाट बाहिरिएपछि नेपाल थप दबाबमा पर्यो।
खेलको ९० औँ मिनेटमा नेपालका आदित्य चौधरीले फल गरेपछि फिलिपिन्सले पेनाल्टी पायो र फिलिपले सजिलै गोल गरे। लगत्तै हार्मन मार्कले थप एक गोल गर्दै फिलिपिन्सलाई ३–० को जित दिलाए।