दक्षिण कोरियाको इन्चोनमा हालै सम्पन्न १७ औं एशियाली खेलकुद प्रतियोगिता(एसियाड)का क्रममा दक्षिण कोरियामा लुक्ने नेपालका चारजना खेलाडीलाई एसियाडको कार्य सम्पादन समितिले १० वर्षको प्रतिबन्ध लगाएको छ।
युवा तथा खेलकुद मन्त्रालय अन्तर्गत रहेको एसियाडको कार्य सम्पादन समितिको आइतबार बसेको बैठकले सेपाकताक्रोका अमन पोडे, उसुका सोमबीर तामाङ र निराजन आले तथा एथलेटिक्सका तिलकराम थारुलाई १० वर्षको प्रतिबन्ध लगाएको हो।
एसियाडमा नेपालका २५ खेलका दुई सय ६ खेलाडी सहभागी थिए।
