सातौ एल.आर.आई. अन्तरविद्यालयस्तरीय बास्केटबल प्रतियोगिता अन्तर्गत छात्र तथा छात्रा दुबै टिमहरुको क्वाटर फाइनल समिकरण यात्रा टुङ्गो लागेको छ।
छात्रतर्फ एल.आर.आई.रातो र निलो दुबै टिम, बाबा, एक्सेल्सियर, ग्यालेक्सी, वीरेन्द्र सैनिक, बुद्ध एकाडेमी र ज्ञानोदयले क्वाटर फाइनको लागि आफ्नो स्थान पक्का गरेका छन् भने छात्रातर्फ एल.आर.आई., भ्याली पब्लिक, आइएमएस, रिब्स, हिमालयन, ग्यालेक्सी, रातो बंगला र ज्ञानोदयले पनि क्वाटर फाइनलमा आ–आफ्नो स्थान सुरक्षित पारेका छन्।
आजै भएको छात्रा तर्फको आइएमएस र हिमालयनबिचको क्वाटर फाइनल खेलमा हिमालयनले ३३–१२ ले आइएमएसलाई पाखा लगाउँदै सेमिफाइनलमा आफ्नो स्थान सुरक्षित पारेको छ। उसको जितमा सरिनाको १७ स्कोर महत्वपूर्ण रहेको थियो।
आज भएको लिंगचरणका अन्तिम खेलहरुमा छात्रा तर्फ ग्यालेक्सीले रातो बंगलामाथि ३६–२९ को सनसनिपूर्ण जित हासिल गर्यो। पहिलो र दोश्रो क्वाटर ग्यालेक्सीले १०–७ र ११–४ को अग्रता लिएको थियो भने तेस्रो क्वाटर दुवैको समान ५–५ स्कोर रहेको अवस्थामा, अन्तिम क्वाटरमा रातो बंगलाले १२–२ को अग्रता लिंदै खेल समाप्त हुँदासम्म ग्यालेक्सीलाई २८–२८ को स्कोरमा रोक्न सफल भयो।
दुबै टिमको स्कोर बराबरी भएपछि अन्तिम ४ मिनेट खेलाइएको खेलामा ग्यालेक्सीले ८ स्कोर गर्यो भने रातो बंगलाले मात्र १ स्कोर गरी ग्यालेक्सी ३६–२९ स्कोरले विजय भयो।
ग्यालेक्सीको जितमा सन्चुको १२ स्कोर महत्वपूर्ण रहेको थियो। छात्रातर्फ भएको एल.आर.आई. र ज्ञानोदयबिचको अन्तिम खेलमा ज्ञानोदयले पहिलो क्वाटरको अग्रतालाई कायम राख्न नसक्दा ३३–२८ स्कोरले पराजित हुन पुग्यो। विजेता टिमको लागि स्नेहको व्यक्तिगत १६ अंक महत्वपूर्ण रहेको थियो। छात्रतर्फ ज्ञानोदयले आइएमएसलाई ५५–१४ स्कोरले पराजित गर्यो। विजयी टिमकोतर्फबाट कर्ण गुरुङ्गले २१ स्कोर गरेको थिए।