स्पेनिस क्लब बार्सिलोनाका स्टार खेलाडी नेयमार फेरि घाइते भएका छन्। घरेलु भूमिमा भएको २०औ संस्करणको विश्वकप दौरान गम्भीर चोट लागेका नेयमार फेरि घाइते भएको उनको क्लब बार्सिलोनाले एक विज्ञप्ति जारी गर्दै भनेको छ। विश्वकपमा कोलम्बियाविरुद्धको खेलमा उनको मेरुदण्डको हड्डी भाँचिएको थियो ।
अभ्यास खेलका क्रममा बिहिबार उनी घाइते भएका हुन् । घाइतेपछि ला-लिगाको पहिलो खेलमा उनी खेल्ने सम्भावना कमजोर भएको बार्सिलोनाले बिहिबार विज्ञप्ती जारी गर्दै भनेक छ।
नेयमारले अभ्यासका क्रममा देब्रे खुट्टाको गोली गाँठोमा चोट बोकेका छन्। ‘नेमारले पहिलो खेलमा खेल्न सक्छन् कि सक्दैनन् अहिले यसै भन्न सकिँन्न’ क्लबको विज्ञप्तीमा भनिएको छ, उनको चोट कति गम्भीर छ भन्नेबारे उनको मेडिकल रिपोर्ट आएपछि मात्र थाहा हुन्छ।'
मेडिकल रिपोर्टपछि मात्र उनको चोटको स्थितिबारे पत्ता लाग्ने क्लबले जनाएको छ।
विश्वकप खेलमा घाइते भएका नेमार भर्खरै मात्र मैदानमा फर्किएका थिए।