यस वर्षको गोल फिफ्टी अवार्ड स्पेनी क्लब रियल म्याड्रिडका स्ट्राइकर तथा पोर्चुगलका खेलाडी क्रिष्टियानो रोनाल्डोले जितेका छन्।
फुटबल सम्बन्धी समाचार सम्प्रेशण गर्ने वेवसाइट गोल डटकमले प्रदान गर्ने यो अवार्डबाट सन् २०१३/२०१४ सिजनका ५० जना उत्कृष्ट गोलकर्तालाई उछिन्दै रोनाल्डोले उपाधि हात पारेका हुन्।
यसअघि सन् २००८ र २०१३मा समेत अवार्ड हात पारेका रोनान्डोको यो तेस्रो पटक हो। उनले यो सिजनमा ५१ गोल गरेका छन्।
गोल फिफ्टीको दोस्रो नम्बरमा नेदरल्याण्ड्सका आर्जेन रोबिन, तेस्रो नम्बरमा अर्जेन्टिनाका लियानेल मेसी, चौथोमा जर्मनीका फिलिम लाहम र पाँचौं नम्बरमा जर्मनीकै थोमस मुलर परेका छन्।
'उत्कृष्ट खेलाडीका रुपमा चुनिनु आफ्ना लागि निकै सौभाग्यको कुरा हो', अवार्ड पाएपछि रोनाल्डोले भने, 'फूटबलप्रेमीको समर्थन बीना आफू यो ठाउँसम्म आइपुग्न सक्दिन थिएँ।'
फूटबलकै प्रतिष्ठित अवार्ड मानिने गोल फिफ्टि अवार्डबाट यसअघि लियोनेल मेसीले २ पटक र एक पटक वेस्ले स्नाइज्डर पाएका थिए। गोल डटकमका अनुसार संसारभर रहेका आफ्ना ६ सय भन्दा बढी संवाददाताहरूको भोटको आधारमा उत्कृष्ट ५० गोल छनोट गर्ने गरिन्छ।
