विश्वकप फुटबलमा फिफाले गोल्डेन बलका लागि मनोनयन सार्वजनिक गरेको छ।
विश्वकपका उत्कृष्ट प्रदर्शन गर्ने खेलाडीलाई गोल्डेन बल दिइन्छ।
गोल्डेन बलका लागि चार जना खेलाडी जर्मनी तथा अर्जेन्टिनाका ३ जना परेका छन्।
जर्मनीका मुलरसँगै कप्तान फिलिप लाहम, टोनी क्रुज र म्याट हृयुमल्स छन्। यस्तै लियोनेल मेसीसहितका एन्जल डी मारिया र मासेरानो परेका छन्। गोल्डेन बलका लागि फिफाले १० खेलाडीको नाम सार्वजनिक गरेको छ।
विश्वकपमा उत्कृष्ट प्रदर्शन गरेको जर्मनीलाई फाइनलमा पुर्यााउने क्रममा मुलरले पाँच गोलसमेत गरेका छन्।
अघिल्लो विश्वकपमा सर्वाधिक गोल गर्दै गोल्डेन बुट जितेका उनले ब्राजिलमा पोर्चुगलविरुद्ध हृयाट्रिक गरेका थिए।
उत्कृष्ट लयमा रहेका मेस्सीकै प्रेरणामा अर्जेन्टिनाले २४ वर्षपछि विश्वकपको फाइनलमा पुगेको छ। मेसीले जारी विश्वकपमा उनले चार गोल गरेका छन्।
यस्तै गोल्डेन बलको मनोनयनमा पर्ने अन्य खेलाडीमा ब्राजिलका नेयमार, नेदरल्याण्डका आर्जेन रोबिन र कोलम्बियाका जेम्स रोड्रिग्वेज पनि परेका छन्।
ढाडको एउटा हड्डी भाँचिएर सेमिफाइनलसहितका खेल गुमाएका ब्राजिलका नेयमारले चार गोल गरेका छन्।
यस्तै रोबिनको उत्कृष्ट प्रदर्शनसँगै नेदरल्याण्डले पनि विश्वकपमा उत्कृष्ट प्रदर्शन गर्दै सेमिफाइनलसँग टाइब्रेकरमा पराजित भयो।
यता कोलम्बियामा उदयीमान जेम्स रोड्रिग्वेजकै प्रेरणामा कोलम्बियाले क्वाटरफाइनलसम्मको यात्रा तय गर्यो्।
विश्वकपको खेलेको पाँच बटै खेलमा गोल गर्ने एक्ला खेलाडी बनेका उनले ६ गोल गर्दै प्रतियोगितामा सर्वाधिक गोल गर्ने सूचीको शीर्ष स्थानमा छन्।
समूह चरणमा उरुग्वेविरुद्ध गरेको गोललाई विश्वकपकै उत्कृष्ट गोलमध्ये एक मानिएको छ।
