मोफसलको प्रतिष्ठित बाह्रौं संस्करणको आहा रारा गोल्डकप २०७० बाट २९ लाख १ हजार ७ सय ५७ रुपैयाँ वचत भएको छ। गत फागुन २० गते देखि चैत १ गतेसम्म पोखरा रंगशालामा सञ्चालन भएको उक्त प्रतियोगिताबाट सो रकम बचत भएको सहारा क्लबका सल्लाहकार एवं अर्थ संयोजक प्रकाश शेरचनले बताए।
क्लवलेे शनिबार आहा रारा गोल्ड कपको आय–व्याय सार्वजनिक गर्दै ११ दिने उक्त प्रतियोगिताबाट ७८ लाख ६२ हजार ७ सय ६४ रुपैयाँ आम्दानी गर्न सफल भएको शेरचनले बताए। उनका अनुसार प्रतियोगिता सम्पन्न गर्न ४९ लाख ६० हजार ९ सय ५७ रुपैयाँ खर्च भएको छ।
क्लबले मुख्य प्रायोजक मार्फत ९ लाख, सह प्रायोजकबाट ४ लाख, उप प्रायोजकहरुबाट १ लाख ५० हजार, पोखरा उपमहानगरपालिकाबाट १ लाख, रोयल बिग मास्टर १ लाख, राष्ट्रिय खेलकुद परिषद १ लाख, पृथ्वीराजमार्ग बस संचालक समितिबाट १ लाख, नोभा शुद्व र ताजा दुध ९५ हजार, ईको पानी ७० हजार सहयोग स्वरुप प्राप्त भएको क्लवले जनाएको छ।
प्रतियोगिताबाट बचत भएको रकम सहारा एकेडेमी सञ्चालनमा खर्च गरिनेे भएको क्लवका अध्यक्ष वीरभद्र आचार्यले बताए। क्लबले एघारौं संस्करणमा भने १६ लाख ५६ हजार ६ सय ६४ रुपैयाँ वचत गरेको थियो।
एघार दिनसम्मको गेट टिकटबाट ३१ लाख ३९ हजार १ सय १७ रुपियाँ र सिजनल टिकटबाट २ लाख १६ हजार र व्यानर विज्ञापनबाट १९ लाख ३८ हजार ९ सय १० रुपयाँ आम्दानी भएको क्लबले जनाएको छ।
यसैगरी क्लबले प्रतियोगितामा मैदान व्यवस्थापन तर्फ ३ लाख ८० हजार ८ सय ८० रुपैयाँ, खेलाडी प्रोत्साहन खर्च ६ लाख २७ हजार रुपैयाँ, खेलाडी दैनिक भम्रण भत्ता १२ लाख ६८ हजार ३ सय २० रुपैयाँ खर्च, रेफ्री तर्फ २ लाख ६० हजार ५ सय ५ रुपैयाँ भएको क्लबका कोषाध्यक्ष विश्वराज बरालले जानकारी दिए।
बाह्रौं संस्करणको उपाधि सहारा क्लब पोखराले मनाङ मर्स्याङ्दी क्लबलाई पराजित गर्दै जितेको थियो।
हाल सहारा एकेडेमी दोविल्लामा २२ जना बालकहरु रहेको महासचिव केशव बहादुर थापाले बताए।
