विश्वकप फुटबल प्रतियोगिता सन् २०१४ को तेस्रो स्थानका लागि भोलि बिहान ब्राजिल र नेदरल्यान्ड्स आमनेसामने हुने भएका छन् । ब्राजिलको ब्रासलियामा हुने सोे प्रतियोगिताको खेल बिहान १ बजेर ४५ बजे सुरु हुनेछ ।
सेमिफाइनलमा ब्राजिल जर्मनीसँग १–७ को फराकिलो गोलअन्तरले पराजित भएपछि तेस्रो स्थानको लागि भिड्न लागेको हो । हारसँगै ब्राजिल विश्वकप फुटबल प्रतियोगिताको इतिहासमा नै यति फराकिलो गोलअन्तरले पराजित हुने पहिलो टिमसमेत बन्यो ।
पाँच पटकको विश्वकप विजेता ब्राजिल यसअघि सन् १९९८ मा भएको विश्वकपमा फ्रान्ससँग ०–३ गोलअन्तरले हार बेहोरेको थियो । त्यस्तै गत संस्करणको विश्वकपमा उपविजेता बनेको नेदरल्यान्ड्सको उपाधि जित्ने सपना यसपटक पनि चक्नाचुर हुन पुग्यो । सेमिफाइनल खेलमा नेदरल्यान्ड्स अर्जेन्टिनासँग ट्राइब्रेकरमा २–४ गोलले पराजित भएको थियो । रासस
