चोटका कारण घरमा आराम गरिरहेका ब्राजिलका स्टार नेयमारले दक्षिण अमेरिकी राष्ट्रलेनै विश्वकप जितोस् भन्ने आफ्नो चाहना रहेको बताएका छन्।
अमेरिकी समाचार संस्था एपीसँग कुरा गर्दै मेसीले अर्जेन्टिनालाई विश्वकप दिलाउनु फुटबलका लागि राम्रो हुने उनले बताए।
'उनी(मेसी) विश्व च्याम्पियन हुन लायक छन्,' नेयमारले भने। तर उनले जर्मनी र अर्जेन्टिना दुबैलाई जितको शुभकामना दिए।
नेयमार मेसीसँगै बार्सीलोना क्लबाट खेल्नेछन्।
विश्वकपमा जर्मनीसँग ब्राजिलको लज्जास्पद हारबारे पनि उनले भने, 'खेलमा हार्नु स्वभाविक हुन्थ्यो। तर, यती नराम्रोसँग होइन।'
विश्वकपको सेमीफाइनलमा घरेलु टोली ब्राजिलले जर्मनीसँग सर्मनाक ७-१को हार बेहोरेको थियो। विश्वकपको ८४ वर्षे इतिहासमा ब्राजिलले यति धेरै गोल कहिलै खाएको थिएन।
धेरै लामो समयसम्म ब्राजिललाई सेमिफाइनलको खेल परिणामले सताउने उनले बताए।
'तर हामी सधै टाउको निहुराएर हिड्न सक्ने छैनौ, राम्रा दिन फेरि आउनेछन्,' उनले भने।
नेयमारले ब्राजिलले आफ्नो लय फेरि समातेर आगामी विश्वकप जित्ने सम्भावना रहेको बताए।
नेयमारले आफ्ना चोटका बारे पनि कुरा गरेका छन्।
कोलम्बियन खेलाडी जुआन क्यामिलो जुनिगा नेयमारको ढाडमा चढ्दा उनको मेरुदण्डमा गहिरो चोट लागेको थियो। 'त्यो चोट दुई सेन्टिमीटर यता लागेको भए म आज ह्विल चेयरमा हुने थिएँ,'उनले भने ।
मैदानमा आफूलाई लागेको चोट र पीडा सम्झेर उनी रोए र भने,'भगवानले मलाई थप गम्भीर चोट लाग्नबाट बचाउनु भयो।'
यति भनेपछि नेयमारले केहीबेर टाउको निहुराए र हातले आखाँ छोपे।
आफूलाई चोटग्रस्त बनाउने मनसाय कोलम्बियन खेलाडी जुनिगाको थियो थिएन आफूलाई थाहा नभएको उनले बताए। 'तर म माथि जुनिगाको च्यालेन्ज सामान्य प्रवृतिको थिएन।'
जुनिगाले आफूलाई फोन गरेर माफ भने मागेको नेयमारले बताए।
नेइमार आफ्नो टोलीले शनिबार नेदरल्यान्ड्ससँग विश्वकपको तेस्रो स्थानका लागि खेल्दा मैदानमा उपस्थित हुने भएका छन्।
तस्विरः फिफा
