ब्राजिलमा जारी विश्वकप फुटबल प्रतियोगिताको अन्तिम सेमीफाइनलमा नेदरल्याण्लाई हराउँदै अर्जेन्टिना फाइनलमा प्रवेश गरेको छ।
यसअघि साओ पाओलोमा बिहीबार बिहान पेनाल्टी सुटआउटमा नेदरल्याण्ड्सलाई ४-२ ले हराउँदै २४ वर्षपछि अर्जेन्टिना विश्वकपको फाइनल प्रवेश गरेको हो। अर्जेन्टिना दुईपटकको विजेता हो। सन् १९७८ मा नेदरल्यान्ड्सलाई फाइनलमा हराएर अर्जेन्टिना पहिलोपटक विश्वविजेता बनेको थियो।
निर्धारित ९० मिनेट र थपिएको समयमा समेत खेल गोलरहित बराबरीमा सकिएपछि खेलको निर्णय पेनान्टी सुटआएटमा गरिएको हो। हरेक महत्वपूर्ण प्रतियोगितामा अभागी बन्दै आएको नेदरल्याण्डका लागि अर्जेन्टीनि किपर रोमेरो बाधक बने।
उनले डच टोलीका महत्वपूर्ण २ बल सेभ गरेका थिए।उनले नेदरल्याण्ड्सका भ्लार र स्नेइडरको पेनाल्टी रोके । अर्जेन्टिनाका लागि भने लिओनल मेस्सीसागै अजिकियो ग्राइ, सर्जिओ एग्युरो र म्याक्सी परेराले गोल गरे।
अर्जेन्टिनाले फाइनलमा जर्मनीसँग खेल्नेछ । जर्मनी आयोजक ब्राजिललाई ७-१ ले हराउदै फाइनल प्रवेश गरेको थियो।
यसअघि अर्जेन्टिनाले सन् १९९० मा भएको विश्वकपको फाइनलमा जर्मनीसँग १-० ले हरोको थियो । डिएगो म्याराडोनाको नेतृत्वमा रहेको अर्जेन्टिनी टोलीलाई त्यो हारको बदला मेसी नेतृत्वको टोलीले लिने अवसर पाएको छ । अर्जेन्टिना सन् १९३० मा भएको पहिलो विश्वकपको पनि फाइनलमा प्रवेश गरेको टोली हो। त्यसबेला आयोजक उरुग्वेले उसलाई ४-२ ले निरास पारेको थियो ।
अर्जेन्टिना अहिलेसम्म जम्मा ५ पल्ट विश्वकपको फाइनल पुगेको छ। यस्तोमा अर्जेन्टिना १९७८ मा घरेलु मैदानमै भएको विश्वकपमा च्याम्पियन भएको थियो । त्यसपछि १९८६ मा दोस्रोपल्ट विश्वविजेता बनेको थियो।
अर्जेन्टिनाका लागि तीनपल्टको च्याम्पियन जर्मनीलाई फाइनलमा हराउनु सजिलो छैन छैन। सन् २००२ यताको विश्वकपमा निरन्तर अन्तिम चारको यात्रा तय गर्दै आएको जर्मनी आठौंपल्ट फाइनल पुगेको टिम हो ।
