अर्जेन्टिनाका कप्तान लियोनल मेसीले विश्वकप फुटबलको उपाधि लिएर घर फर्कने आफ्नो इच्छा भएको बताएका छन् । यस वर्षको विश्वकप जित्नु नै आफनो करियरको ठुलो उपलब्धि हुने उनले बताएका छन् ।
'सन २०१० मा आफू आबद्ध भएको बार्सिलोनाका स्पेनिस खेलाडी साथीहरु विश्वकपको उपाधि लिएर घर फर्के' उनले भने 'म पनि यस वर्ष यस्तै चाहन्छु ।' उनी कप्तान रहेको अर्जेन्टिना बुधबारराती फाइनल प्रवेशका लागि नेदरल्याण्डसँग भिड्दैछ ।
अर्जेन्टिना र नेदरल्याण्ड अहिलेसम्म ८ पटक भिडेका छन् । जस्मा ४ पटक नेदरल्याण्डले जितेको थियो । ३ खेल बराबरीमा टुंगिएका थिए । एक खेल मात्र आफ्नो पक्षमा पार्न सफल भएको अर्जेन्टिनालाई आज खेल जित्न निकै हम्मेहम्मे पर्ने अनुमान गरिएको छ ।