ब्राजिलका फुटबल प्रशिक्षक लुइस फिलिप स्कोलारीले जर्मनीसँग हार ब्यहोरेको भन्दै क्षमा माफी मागेका छन् । जर्मनीसँग ७–१ ले पराजय भएको दिनलाई उनले आफ्नो जीवनकै सबैभन्दा खराब दिन भनेका छन् । पराजयको जिम्मेवारी लिदै उनले माफी मागेका हुन् ।
उनले भनेका छन् 'मैदानमा उत्रने खेलाडी छनौट, टिमको रणनीति म आफैले बनाएको हुँ, हारको जिम्मेवारी म लिन्छु।' उनले नेयमार नभएको कारण ब्राजिलको हार भएको भन्नु उपयुक्त नहुने बताए । नेयमारको ढाडको हड्डी भाँचिएपछि उनी मैदान उत्रन सकेका थिएनन् ।
कप्तान सिल्भाले पनि २ पटक एलो कार्ड खाएका कारण जर्मनीसँगको खेल गुमाएका थिए । प्रशिक्षक स्कोलारीले ब्राजिलका जनता र फ्यानसँग पनि माफी मागेका छन् ।
