विगत एक दशकदेखि अधिकारका लागि संचार अभियान अन्तर्गत क्रियाशील संचार संस्था इन्टरफेस, नेपालले दोस्रो ६० सेकेण्ड सर्ट फिल्म फेस्टिभलको लागि फिल्म आह्वान गरेको छ।
युवाहरुलाई आफू वरपरका समसमायिक विषयहरुमा सचेत गराई आफूसंँग भएको जस्तोसुकै प्रविधि (मोबाइल तथा क्यामेरा र भिडियो सम्पादन सफ्टवेयर) प्रयोग गरि फिल्म बनाउन प्रोहत्सान गर्नु फेस्टिभलको मुख्य उद्धेश्य रहेको मंलबार जारी विज्ञप्तिमा जनाइएको छ।
हामी प्रविधिक पक्षलाई भन्दा विषयको गाम्भीर्यता र व्यक्तिको सिर्जनशीलतालाई जोड दिँदै फेस्टिभलले सिर्जनशील युवाहरुको क्षमता र आत्मविश्वास बढाउन, युवाहरुमा निहित फिल्म सम्बन्धि ज्ञान तथा सीप देखाउन सहयोग पुग्ने आशा फेस्टिबलले गरेको छ।
जुनसुकै विषयवस्तुमा आधारित भई बनाइएका बढीमा ६० सेकेन्ड समायवधि भएका फिल्म फेस्टिवलमा पठाउन सकिने आयोजकले जनाएको छ।
निर्णायक मण्डलको सिफारिसका आधारमा पहिलो, दोस्रो, तेस्रो र जुरी अवार्ड सहित नगद पुरस्कार प्रदान गरिने छ। यसैगरि अन्य केहीलाई प्रोत्साहन पुरस्कार सहित सम्मान गरिने छ। उत्कृष्ठ फिल्महरुलाई देशका विभिन्नमा भागमा प्रदर्शन समेत गरिने छ।
फिल्म बुझाउने अन्तिम मिति मंसिर २९ सम्म तोकीएको छ। फेस्टिवल माघ ९ गते काठमाडौंमा हुने छ।