सरकारले सेलिब्रेटी कार्ड प्रदान गर्नका लागि सञ्चारमन्त्रालयका सहसचिव कविराज खनालको संयोजकत्वमा कार्यदल गठन गरेको छ।
कार्यदलमा सञ्चारमन्त्रालयका सदस्य सचिव नारायण आचार्य तथा फिल्म क्षेत्रबाट अभिनेत्री करिश्मा मानन्धर, निर्देशक राजेन्द्र शलभ र बरिष्ठ सञ्चारकर्मी भरत शाक्य रहनेछन्।
पहिलो चरणमा कार्यदलले कलाकारहरुको बायोडाटा संकलन गर्नेछ र दोस्रो चरणमा फिल्म क्षेत्रसँग सम्बन्धीत संघसंस्थासंग छलफल गरी कुन प्रकारले सेलिब्रेटी कार्ड उपलब्ध गराउने बारे आधिकारिक निर्णय गर्ने छ।
सेलिब्रेटीका लागि दुई प्रकारका परिचय पत्र सरकारले उपलब्ध गराउने तयारी भइरहेको छ। तर, फिल्म क्षेत्रका प्रमुख संघसंस्थाको सहमति बिना सरकारले यो निर्णय गर्ने छैन् ।
यदि सेलिब्रेटी कार्ड लागु भएमा फिल्मकर्मीहरुले राज्यबाट विशेष सुविधा पाउनेछन्। उनीहरुलाई एयरपोर्ट देखि लिएर अन्य भिड हुने स्थानमा सरकारले विशेष सुरक्षा र सुविधा उपलब्ध गराउने छ।
निर्माता संघका अध्यक्ष राजकुमार राईको पहलमा यो अभियान अघि बढेको हो।
यो पनि हेर्नुहोस्