रिलिज मिति नजिकिँदै गर्दा अजय देवगनको सिनेमा ‘सिंघम रिट्रन्स’ लाई लिएर विवाद शुरू भएको छ। हालै एउटा दक्षिणवादी हिन्दु संगठनले सिनेमा हिन्दु साधुको गलत छबी पेस गरिएको भन्दै विरोध जनाएको छ। साथै उक्त संगठनले सिनेमालाई प्रतिवन्ध लगाउनु पर्ने माग पनि गरेको छ। हिन्दु जनजागृति समिति नाम गरेको सो समूहका अनुसार फिल्ममा हिन्दु साधुलाई गलत ढंगले पेस गरिएको छ।
यस समितिका रमेश शिंदेका अनुसार फिल्मले हिन्दुहरूको भावनालाई चोट पुर्याउने काम गरेको छ। शिंधेका अनुसार, ‘फिल्ममा एउटा हिन्दु सन्तलाई खलनायकको रूपमा देखाइएको छ र उक्त पात्रलाई सिनेमामा नायक अजय देवगन साधु पात्रलाई धम्काउँछन। यसले हिन्दुहरूको आस्थामा ठेस पुर्याको छ ।
यही सन्दर्भलाई लिएर हिन्दु जनजागृतिले सेन्सर वोर्ड र सिनेमाका निर्मातालाई पत्र लेख्दै सिनेमाबाट उक्त दृश्य र संवाद नहटाइ सिनेमा रिलिज गरिए देशव्यापी विरोध प्रदर्शन गर्ने बताएको छ। रोहित शेट्टीले निर्देशन गरेको सिनेमा आगामी आगस्ट १५ गते रिलिज हुदैंछ।
यस्तो छ सिनेमाको ट्रेलर