नायिका निशा अधिकारीका अनुसार आगामी साउन १६ गते रिलिज हुन लागेको उनको सिनेमा ‘मेरो भ्यालेन्टाइन’ धेरै राम्रो सिनेमा हो रे ? सो दाबी उनले केही दिन अगाडि आयोजित पत्रकारसम्मेलनमा गरेकी हुन्।
उनले कुरा यसरी सुरू गरिन, ‘यसको मतलव मैले अरू फिल्मलाई नराम्रो भन्न खोज्या होइन तर बनिसकेपछि हेर्दा यो चाँहि चल्छ है बन्ने भाइव आएको फिल्म ‘फस्ट लभ’ पछि यहिँ हो।’
यसमा केहि सत्यता हुनसक्छ। हुनपनि ‘फस्ट लभ’ पछि सफल फिल्म उनीसँग छैन। फिल्म नचलेपनि निशा मिडियामा छाइरहने नायिकामा पर्छिन् चाहे त्यो रगं पत्रकारसँग निहुँ खोजेर होस् या सगरमाथा चढेर।
थप कुरा गर्दै उनले आफूले साथीभाइलाई ‘मेरो भ्यालेन्टाइन’ को कथा सुनाउँदा अन्तिमसम्म पनि उत्सुक्ताका साथ सुनेको बताइन्। उनीहरुको सो उत्सुक्ताले पनि सिनेमा सफल हुन्छ भन्ने आत्मविश्वास बढेको हो रे।
अब उनको यो आत्मविश्वास बक्स अफिसमा पनि देखिए निशाको फिल्मी असफलतामा ब्रेक लाग्ने थियो। सुरज सुब्बाले निर्देशन गरेको यो सिनेमामा निशाका अलावा बाबु बोगटी, स्वतन्त्र प्रताप शाह तथा सुस्मिता ढकालको मुख्य अभिनय रहेको छ।
सिनेमालाई शुसील श्रेष्ठले निर्माण गरेका हुन।
