संसारका धनीहरूको सूची निकाल्ने प्रतिष्ठित फोब्स म्यागजिनका अनुसार अमेरिकी फिल्म अभिनेता रोवर्ट डाउनी हलिउडका सबैभन्दा धेरै पैसा कमाउने कलाकार भएका छन्।
उक्त पत्रिका अनुसार डाउनीले जून २०१३ देखी २०१४ को जुनसम्म ७.५ करोड डलर अर्थात करिव ७अर्ब २० करोड नेपाली रूपयाँ कमाएका छन् । डाउनीको पछिल्लो सिनेमा 'आइरन म्यान-३' ले १.२ अरब डलरको कारोवार गरेको थियो ।
बढी कमाउने कलाकारको सूचीमा दोस्रो नम्वरमा 'द रक' को नामले प्रशिद्ध पूर्व रेस्लर ड्वेन जोनशन र तेस्रो नम्वरमा ब्रेडली कुपर रहेका छन । जोनशनको कुल कमाइ ५.२ करोड डलर रहेको छ भने कुपरको कमाइ ४.६ करोड डलर रहेको छ ।