फोटोपत्रकार भरतबन्धु थापाको वाइल्ड वेष्ट नेपाल पुस्तक सार्वजनिक भएको छ। विगत आठ वर्षदेखि फोटोपत्रकारीता गर्दै आएको थापाले खिचेका २५० भन्दा बढी तस्बिर समेटेर तयार पारेको तस्बिर पुस्तक वाइल्ड वेस्ट नेपाल आइतबार राजधानीमा विमोचन गरियो । नायक राजेश हमाल, पर्यटवीदहरु अमर शाही, मिम हमाल, प्रकाशक हिमालयन म्याप हाउसका पवन शाक्य र पिजे क्लबका प्रकाश माथेमाले पत्रकार भरतबन्धु थापाको पुस्तक वाइल्ड वेस्ट नेपाल संयुक्त रुपमा विमोचन गरे।
कार्यक्रममा हमाल, शाही, माथेमा लगायत वक्ताले पुस्तक सुदूर र मध्यपश्चिम चियाउने कलात्मक आँखिझ्याल भएको टिप्पणी गरे। पुस्तकले पर्यटन विकासमा योगदान गर्ने आशा गरे।
मध्यपश्चिम र सुदूरपश्चिमका साँस्कृतिक, ऐतिहासिक, पर्यटकीय एवं जीवनशैलीलाई पुस्तकमा सचित्र झल्काइएको छ।
पुस्तकमा दैलेखमा अबस्थित नेपाली भाषाको पहिलो अभिलेख, नेपालको सबैभन्दा ठूलो ताल राराताल, सबैभन्दा गहिरो ताल फोक्शुण्डोताल (डोल्पा), नेपालको एकमात्र जुंगे महादेव (बाँके), सबैभन्दा उच्चस्थानमा फल्ने मार्सी धान (जुम्ला), नेपाली भाषाको उदगम थलो सिंञ्जा, एसियाकै सबैभन्दा बढी बाह्रसिंगा देख्न सकिने ठाउँ शुक्लाफाँटा, एसियाकै लामो झोलुगे पुल (कञ्चनपुर), खप्तडबाबाले साधना गरेको खप्तड लेक, नेपालकै उच्च स्थानमा रहेको सदरमुकाम सिमकोट (हुम्ला), नयाँ पदमार्गहरु गुरिल्ल्ाा टे्रल, यार्सागुम्बा टे्रल र पश्चिम नेपालका हिमालहरु समेटिएका छन्।
पुस्तकले पश्चिम नेपालको पर्यटकीय गन्तव्यहरुको चिनारी दिन्छ। मध्य र सुदूरपश्चिमको एकिकृत प्रयासबाट मात्रै पर्यटन विकासले गति लिन सक्छ भन्ने सन्देश पनि यसले दिन्छ। त्यसैले स्वदेश र विदेशमा सुन्दर पश्चिमको सौन्दर्य चम्काउन यसले मद्धत गर्ने लेखक तथा पत्रकार थापाले बताए।
पुस्तकको मुल्य १२५० रुपैयाँ पर्छ। पुस्तक विमोचनका दिन र आउँदो जेठ १० देखि १२ गतेसम्म राष्ट्रिय सभागृहमा हुने 'मध्य र सुन्दरपश्चिम महोत्सव'मा बिक्रि भएकोबाट प्रति पुस्तक ६२५ रुपैयाँले शैक्षिक कोष बनाइने पनि कार्यक्रममा जानकारी गराइएको थियो।
आइतबार ठमेलको काठमाडु गेष्ट हाउसमा नायक राजेश हमाल, पर्यटवीदहरु अमर शाही, मिम हमाल, प्रकाशक हिमालयन म्याप हाउसका पवन शाक्य र पिजे क्लबका प्रकाश माथेमाले पत्रकार भरतबन्धु थापाको पुस्तक वाइल्ड वेस्ट नेपाल संयुक्त रुपमा विमोचन गरे।
कार्यक्रममा हमाल, शाही, माथेमा लगायत वक्ताले पुस्तक सुदूर र मध्यपश्चिम चियाउने कलात्मक आँखिझ्याल भएको टिप्पणी गरे। पुस्तकले पर्यटन विकासमा योगदान गर्ने आशा गरे।
