झापाको सदरमुकाम भद्रपुर–चन्द्रगढीमा ०६२/०६३ को दोस्रो जनआन्दोलनमा शहादत प्राप्त गरेका दुई शहिदको शालिक राखिने भएको छ।
आउदो मजदुर दिवस मे १ का दिन शहिद राजन गिरी र सुरज विश्वासको संयुक्त रुपमा शालिक राख्न लागीएको नेकपा एमाले झापाका अध्यक्ष रविन कोइरालाले बताए ।
बैशाख ६ गते आजकै दिन तत्कालिन शाही सेनाले चलाएको गोली लागि शहादत प्राप्त गरेका राजन र सुरजको सातौ स्मृति दिवसको अवसरमा नेकपा एमालेका तर्फबाट शुक्रबार सुरजको भद्रपुरस्थित घरमा श्रद्धाञ्जली अपर्ण गर्न गएका अध्यक्ष कोइरालाले शहिदका माता मिनु र पिता शान्ति विश्वासलाई उक्त शालिक राख्ने विश्वास दिलाएका हुन । दुवै शहिदको शालिक शहादत प्राप्त गरेकै स्थानमा राख्न लागेको बताउदै सुरज मजुदर भएका कारणले मजदुर दिवसको अवसरमा नेकपा एमालेका अध्यक्ष झलनाथ खनालले शालिकको अनावरण गर्ने कोइरालाले बताएको शहिद पिता शान्ति विश्वासले बताए।
त्यसैगरि सातौ स्मृति दिवसको अवसरमा नेपाली काग्रेसका केन्द्रिय सभापति सुशिल कोइराला, महामन्त्री कृष्णप्रसाद सिटौला, जिल्ला सभापति उद्धव थापा लगायत नेताहरुले आज शहिद सुरजको घरमा पुगि उनको तस्वीरमा माल्यअर्पण गर्नुका साथै उनका मातापतिसंग भेटघाट गरेका छन। यता बंगाली समुदायका एक मात्र सपुत शहिद सुरजको सातौ स्मृति दिवसको अवसरमा नेपाल बंगाली समाज भद्रपुरले उनको घरमा पुगेर आज एक कार्यक्रम विच श्रद्धाञ्जली अर्पण गरेको छ। समाजका अध्यक्ष हरेकृष्ण घोषको संयोजकत्वमा गएको टोलीले शहिद सुरजको तस्वीरमा माल्यअर्पण गरि श्रद्धाञ्जली अर्पण गरेको शहिद सुरजका मामा गोपाल मण्डलले बताए।
