संविधानको मस्यौदामा देखिएका केही विवाद टुंगिएपछि दलहरुले हस्ताक्षर गरेर सभामुख सुवास नेम्बाङलाई मस्यौदा बुझाउँदैछन्।
मस्यौदा समितिले तयार गरेको मस्यौदामा देखिएको सामान्य विवाद टुंगिएको र आजै साँझ साढे ६ बजेका लागि तय संविधानसभा बैठकमा समितिका सभापति कृष्णप्रसाद सिटौलाले एकीकृत मस्यौदा पेश गर्ने भएका हुन्।
यसैबीच सेतोपाटीसँग कुरा गर्दै सभाध्यक्ष नेम्वाङले संविधान लेखनको प्रक्रिया धेरै अघि बढिसकेकोले अब सानातिना मतभेदले नअल्झिने बताए।
‘छलफल गर्दै जाँदा सानतिना मतभेद आएपनि त्यसलाई मिलाउँदै टुंग्याउँदै जाने हो। त्यसैले अब प्रक्रिया रोकिदैन,’ उनले भने।
मस्यौदा समितिका सभापति कृष्णप्रसाद सिटौला र समितिमा रहेका दलीय प्रतिनिधिहरु बिहानदेखि छलफल गरि सहमति गरेका हुन्।
एमाओवादीका सभासद रामनारायण विडारीका अनुसार नागरिकताको सवालमा ‘र’ नै जाने भयो।
न्याय परिषदमा विपक्षी दलको नेता वा तोकेको कानुनविद् प्रतिनिधि रहने भनिएकोमा त्यो नरहने भयो। यस्तै थ्रेसहोल्डबारे मौन एमाओवादी मौन रहेको छ।
संक्रमणकालिन अवस्थामा पुनर्नियुक्तिमा सहमति हुन बाँकि रहेको बिडारीले बताए। यस्तै धर्मनिरपेक्ष नै हुने राखिएको छ। यसमा कांग्रेसको फरक मत जाने भएको छ।