कांग्रेसका सदस्यहरु शेखर कोइराला, शंकर भण्डारीसहित ८ जना सदस्यहरुले संविधानको प्रस्तावनामा नै धर्म निरपेक्षता शब्द हटाइ धार्मिक स्वतन्त्रता र बहुलबाद पदावली राख्न माग गरेका छन्।
समितिका एक सदस्यले दिएको जानकारी अनुसार उनीहरूले आफ्नो फरक मत लिखित रुपमा समितिमा दर्ता समेत गराएका छन्।
उता प्रमुख चार दलका शीर्ष नेताहरुको बैठकमा मस्यौदा समितिले प्रतिवेदन पठाउँदा धर्म निरपेक्ष लेखिएपनि त्यसको व्याख्यामा धर्म निरपेक्ष भनेको धार्मिक स्वतन्त्रता हुने गरी व्यवस्था गर्न १६ बुँदे सहमतिक हस्ताक्षरकर्ता चार दल सहमत भएपछि मस्यौदा त्यही अनुसार तयार गरिएको छ।
