संविधानका विवादित विषयमा प्रश्नावली सहितको प्रस्ताव तयारीका लागि संविधानसभाद्धारा गठित प्रस्ताव निर्माण समितिको बैठक बस्नु पूर्व आन्तरिक छलफलका लागि सत्तारुढ दलका नेताहरुको शुक्रबार बस्दै छ।
प्रधानमन्त्री सुशील कोइरालाको सक्रियतामा शुक्रबार साढे ४ बजे बालुवाटारमा प्रस्ताव समिति गठनको पक्षमा रहेका कांग्रेस, एमाले, राप्रपा, नेकपा माले, नेकपा संयुक्त, बहुजन शक्ति पार्टी, अखण्ड नेपाल पार्टी लगायत स्वतन्त्र सभासदसमेतलाई छलफलका लागि डाकिएको छ।
मालेका महासचिव सिपी मैनालीका अनुसार, बालुवाटारमा डाकिएको बैठकमा प्रधानमन्त्री कोइराला लगायतका नेताहरुबीच पछिल्लो राजनीतिक परिस्थितिका बारेमा छलफल हुने छ।
बालुवाटार स्रोतका अनुसार, बैठकमा एमाओवादी र मधेसवादी दल लगायतका केही असन्तुष्ट दलहरुले समितिमा सदस्यको नाम दिन र संविधानसभा अर्न्तगतका कुनै पनि समितिमा सहभागी नहुने घोषणा गर्दै आन्दोलनमा सहभागी भएको अवस्थामा समितिको कामकारबाही कसरी अघि बढाउने भन्ने विषयमा आजको छलफल केन्द्रीत हुने छ।
