चिसो बढेसँगै टेन्टभित्र शीत चुहिएर निै कठिन हुने भएपछि शिविरका भुकम्पपीडितहरुलाई अचेल दिन बिताउनभन्दा रात बिताउन कठिन हुने गरेको दुखेसो पोख्न थालेका छन् । जाडोमा चिसो बढेसँगै शिविरमा बस्दै आएका भक्तपुरका भुकम्पपीडितको रात अनिद्रामै बित्न थालेको छ । नेपाल समाचार पत्रमा समाचार छ ।
उनीहरु भन्छन्–त्रिपाल, टेन्ट र जस्ताको टहरामा अचेल हरेक रात जाडोले अनिदोमै बित्ने गरेको छ । साँझ परेपछि नै चिसो आउने र राति शीत चुहिने भएपछि कहिले उज्यालो होला र घाम तापौँला भनेर अनिदोमै रात बिताउने गरेका छन् भक्तपुर नगरपालिका १७ नःपुखुस्थित शिविरका पीडितहरु ।
गत बैशाख १२ गतेको भुकम्पमा २३ जनाको ज्यान गएको भक्तपुर २ जेलाँका भुकम्पपीडितको समस्या पनि उस्तै नै छ । चिसोले राति निदाउन नसकेपछि शिविरका ज्येष्ठ नागरिकहरुका लागि निदाउने विकल्प विहान र दिउँसोको घाम बनेको छ । चिसोले सुत्केरी र बच्चाहरु बिरामी पर्न थालेका छन् ।
