युद्धग्रस्त सिरियालगायत मुलुकका शरणार्थीले यतिबेला युरोपेली देशका शिबिरहरु भरिभराउ छन् । त्यही भीडमा नेपाली नागरिकहरुसमेतन रहेको पत्ता लागेको छ । मानव तस्करले सिरिया, रुस। इराक र अफ्रिकी मुलुक हुँदै नेपालीलाई युरोप लगेका हुन् । कान्तिपुर दैनिकमा समाचार छ ।
रोजगारीको खोजीमा रहेका नेपालीलाई सिरियाली शरणार्थीको भीडमा मिसाएर भूमध्य सागरको खतरनाक यात्रापछि युरोप पु¥याउने गरिएको छ । उत्तरी युरोपेली मुलुक फिनल्यान्डमा बसोबास गर्दै आएका गैरआवासिय नेपालीले त्यस्ता शिविरमा दोभाषेको काम गर्ने क्रममा यो तथ्य पत्ता लागेको हो ।
गैरआवासिय नेपाली संघ फिनल्याण्डका पदाधिकारीले त्यसबारे अध्ययन थालेका छन् । इराकी र सिरियालीसँग अनुहार र छालाको रंग मिल्ने भएकाले शरणार्थीको भीडमा मिसाउन मानव तस्करका लागि सहज भएको छ ।
