मुलुकका दुई सर्बोच्च निकाय राष्ट्रपति र प्रधानमन्त्री कार्यालयले एलपी ग्यास उद्योग संघ र उद्योगीसँग ग्यास माग्दै पत्राचार गरेका छन् ।
प्रधानमन्त्री तथा मन्त्रिपरिषद कार्यालयले ११ थान ग्यास माग्दै पत्र पठाएको संघले जनाएको छ । आजको नयाँ पत्रिका दैनिकमा समाचार छ।
संघका अनुसार साइबाबा, साल्ट ट्रेडिङको एसटिसी, नेपाल र भानुमध्ये जुनसुकै कम्पनिका ११ सिलिन्डर माग्दै प्रधानमन्त्री कार्यालयले पत्राचार गरेको छ । तर, संघले सिद्धार्थ ब्रान्डको ग्यास दिन पहल भइरहेको जनाएको छ ।
त्यस्तै, राष्ट्रपति कार्यालयले पनि ११ थान सुगम र एभरेष्ट ग्यास उपलब्ध गराउन उद्योगलाई पत्राचार गरेको छ । प्रधानमन्त्री कार्यालयले संघमा पत्राचार गरे पनि राष्ट्रपति कार्यालयले सीधै उद्योगलाई पत्राचार गरेको छ । प्रधानमन्त्री कार्यालयलाई ग्यास दिन पहल भइरहेको संघ अध्यक्ष शिवप्रसाद घिमिरेले बताए। सुगम र एभरेष्ट दुवै ग्यास घिमिरेकै हुन्।
