मधेस केन्द्रित दलहरूले भूकम्पपछिको पुनर्निर्माण विधेयक पेश गर्न सहमति दिएकोमा बलजफती संविधान संशोधन विधेयकसमेत पेस गरिएको भन्दै आपत्ति जनाएका छन् । कान्तिपुर दैनिकमा समाचार छ ।
संयुक्त लोकतान्त्रिक मधेसी मोर्चाआबद्ध फोरम, तमलोपा, सदभावना, तमसपा आबद्ध ३४ सभासद्ले प्याकेजमै सहमति भएमात्रै संविधान संशोधन विधेयक मान्य हुने बताउँदैआएका छन् । अघिल्लो सरकारले अघि बढाएको संविधान संशोधन विधेयक अपुरो र एकपक्षीय भएको उनीहरुको भनाइ छ।
'संसारको कुनै पनि संसदीय अभ्यासमा यस्तो बलजफ्ती चल्दैन, हाम्राे संसदमा मंगलबार भयो,' सद्भावना सहअध्यक्ष तथा संसदीय दल नेता लक्ष्मणलाल कर्णले भने, 'सहमतिबाट संविधान संशोधन गर्नुपर्नेमा उहाँहरुले बहुमतको बलमा पेल्न खोज्नुभयो, सरकारसँग जारी वार्तामा अब हामी जाने कि नजाने प्रश्न खडा भएको छ।'
