वातावरण विभागले काठमाडौं उपत्यकामा प्लास्टिक झोला निषेध गर्ने अभियान फेरि सुरु गरेको छ । नयाँ पत्रिका दैनिकमा समाचार छ ।
भूकम्पपछि अभियान रोकिएको थियो । विभागका वातावरण निरीक्षकको समूहले आइतबार बजार अनुगमन गरेको छ । अनुगमनका क्रममा आइतबार ९० किलो प्लास्टिक जफत गरिएको विभागले जनाएको छ । विशालनगर क्षेत्रका ५० वटा पसलबाट ३५ किलो, न्युरोड, असन क्षेत्रका २५ पसलबाट १५ किलो, मित्रपार्क, चाबहिल क्षेत्रका ३० पसलबाट ३५ किलो र माछापोखरी, बालाजु क्षेत्रबाट पाँच किलो प्लास्टिक झोला जफत गरिएको हो ।
संसद्को वातावरण संरक्षण समितिको ९ भदौ ०७१ को निर्देशनअनुसार १ वैशाखदेखि उपत्यकामा प्लास्टिक झोला निषेध अभियान चलाइएको थियो । भूकम्पपछि रोकिएको अनुगमन १४ साउनबाट फेरि सुरु गरिएको विभागका उपमहानिर्देशक सुरेन्द्र सुवेदीले जानकारी दिए ।
