हेलिकप्टरबाट बेपत्ता भएकाको खोजी गर्न डीएनएलगायत परीक्षणका लागि अमेरिकी र नेपाली सेनाका चिकित्सकहरुले बिहीबार परिवारजनको र्यालको नमूना संकलन गरेका छन् । कान्तिपुर दैनिकमा समाचार छ ।
बैशाख २९ को भूकम्पमा घाइते भएपछि सिंगटीबाट अमेरिकी हेलिकप्टर चढाइएको भनिएका ५ जना बेपत्ता भएपछि आफन्तको र्यालको नमूना संकलन गरिएको हो ।
सेनाको बर्दबहादुर गण चरिकोटमा बिहीबार करिब २ बजे हेलिकप्टरबाट आएको नेपाली सेना र अमेरिकी मरिन कर्प्सको एक कर्णेल महिला डाइक्र्स सहितका चिकित्सकले ५ जनाको परिवारको नमूना संकलन गरेको हो । संकलित र्याललाई नेपाली सैनिकसहित शुक्रबार अमेरिका लगिने जानकारी दिइएको छ ।
वैशाख २९ गतेको विनाशकारी भूकम्पपछि उद्धारका लागि दोलखा गएको अमेरिकी सेनाको युएच–१वाई हुवे हेलिकप्टर दिउँसाे साढे २ बजे सुनाखानी इलाकाबाट सम्पर्कविहीन भएको थियो । खोजतलास गर्दा जेष्ठ १ गते सिन्धुपाल्चोक र दोलखाको सीमामा पर्ने कालिन्चोक डााडाको उत्तरपूर्वी दिशातर्फ करिव ११ हजार २ सय फिटको उचाईमा दुर्घटनाग्रस्त अवस्थामा फेला परेको थियो । दुर्घटनास्थलमा हेलिकप्टर र शब टुक्राटुक्रा अवस्थामा थिए ।
प्रकाशित मिति: 2015-05-29 05:52:47